Reportajen : David Santos
GLENO : Vise Ministru Komérsiu no Indústria, Augusto Junior Trindade ofisilamente halo abertura ba feira produtu lokál munisípiu Ermera, Kinta-feira (25/4/2024) iha Gleno, kapital munisipiu Ermera.
Serimonia abertura ne’e, partisipa mos husi Ministru Ensinu Superiór, José Honorio, Sekretariu EstaduProtesaun Sivíl, Domingos Mariano Reis, Prezidente Autoridade Munisípiu Ermera, veteranus, komunidade no vendedór sira.
Iha nia intervensuan, Vise Ministru Komérsiu no Indústria, Augusto Junior Trindade hateten, feira ne’e realiza ba ambiente selebrasaun tinan 22 Restaurasaun Independensia.
Liuhusi feira ne’e, loke opurtunidade ba komunidade sira atu promove produtu lokal no bele hetan rendimentu.
Hafoin abertura ofisial, Vise Ministru Augusto vizita fatin feira sira, akompanha husi autoridade lokal no nasional balun no halo mos kompras. Vendedo sira mos antusiazmu simu prezensa ministru ho komutiva.
Alende feira, komunidade sira mos hetan animasuan muzika husi artista lokal no nasional, liuhusi konsertu muzika. Tuir observasaun jornalista www.lifaupress.com, marka mos prezensa artista lejendáriu, Tony Pereira.
Alende konsertu, iha mos jogu tradisionál no seluk tan. Atividade feira ne’e, hetan seguransa másimu husi autoridade Polisia Nasional Timor-leste (PNTL) no Falintil- Forsa Defeza Timor-leste (F-FDTL). (*)
