Reportajen: Osterlia Muni/Imakulada Tefa
Diresaun Rejionál Agrikultura Rejiaun Administrativa Espesiál Oé-Cusse Ambeno (RAEOA), liuhusi Departementu Agrikultura Bazíku Familiar no Departementu Servisu extensaun agrikola, Tersa-feira (10/2/2026) hamutuk ho natar na’in sira, rega aimoruk Pestiside hodi kombate Peste ne’ebé ataka komunidade nia haré iha area natar Holosa, suku Lalisuk, Pante Makasar, Oecusse.
Xefe Departementu Servisu extensaun Agrikola Diresaun Rejionál Agrikultura RAEOA, Amaro Efi ba jornalista sira esplika, atividade rega aimoruk pestisida ba hare iha natar, nuudar parte servisu ida husi atividade Diresaun Regionál Agrikultura, liuhusi Departementu Agricultura Bazíku Familiar no Departementu Servisu estensaun agrikola.
“ Area natar Holosa nuudar area pontensial hare ho total hetares 40, ne’ebé agora dadaun agrikultor 150 mak jere natar ektares 36 iha area ne’e. “ Ohin rega la’ós uza adubu, maibé uza aimoruk Pestiside Mipcinta ho kanon. Aimoruk Mipcinta ne’e nudar parte prevensaun ba peste ne’ebé akata komunidade sira – nia hare,” nia dehan tan.
Reprezentante natar na’in, Gregorio Cofitalan Orgullu no agradese ba autoridade RAEOA, liliu Diresaun Rejionál Agrikultura, tanba iha hanoin diak apoiu aimoruk hodi halo prevensaun ba peste ne’ebé ataka komunidade nia hare.
Entretantu Lorenso Hornai, husu ba Diresaun Rejional Agrikultura RAEOA, atu apoiu nafatin komunidade agrikultór sira hahú faze kultivu to’o faze kolleta. (*)
