Reportajen: Osterlia Muni
DILI (lifaupress) : Pesoál sira ba Kargu Xefia hamutuk 24 iha Institute of Bussines (IOB) Dili, simu pose, Kinta-Feira (19/02/2026) husi Prezidenti Fundasaun IOB, Abel Da Costa Ximenes Larisina iha Aula Kampus IOB, Dili.
Iha nia diskursu, Prezidenti Fundasau no mós fundador IOB, Abel da Costa Ximenes Larisina esplika, tomada posse no juramentu tenki kaer didi’ak lia-fuan sira nuudar komprimisu atu asumi kargu no permiti hala’o kna’ar iha servisu fatin ho didi’ak tuir regras Fundasaun IOB.
” Imi – nia knaar iha servisu di’ak tuir regras Fundasaun nian, regras IOB ho ninia estrutura tomak IOB polo Maliana ho IOB Dili,” mia dehan.
Tuir Abel da Costa Ximenes Larisina, atividade sira iha pasadu, okupa funsaun estratejiku atu lori IOB ba sustentabilidade no iha responsabilidade boot tebes.
Atualmente, tama ona faze determinante tebes ba Fundasaun–nia moris no IOB-nia moris ho nia unidades. “ Tempu ne’e determinante tebes ba ida-ne’ebe liu tiha ona. Maibé, ita tenke foti nia utilizasaun, labele hanoin beibeik buat ida liu tiha ona. Sei ita hanoin beibeik, ne’e estraga ita,” Abel Larasina hateten.
Fundasaun IOB, halo reuniaun Anual iha loron 15 to’o 17 Janeiru 2026. Iha reuniaun ne’e, aprova Planu Asaun Anual (PAA) ba orsamentu ba tinan 2026. SAlemde ajustamentu ba kargu ba Xefia Diresaun iha Fundasaun nia laran no IOB, fundasaun mós halo osa tomada pose ba estrutura iha Eskola Teknika Informatika ho unidade selu-seluk.
“ Ohin importante ba Retór, Vise Retor sira, Diretór sira, Dekanu sira husi IOB Sentral Dili no IOB Polu Maliana. Ho ida – ne’e, ita bele dehan ekipa Fundasaun, ekipa IOB no ekipa ETI prontu ona hala’o sira – nia knar,” nia reafirma.
Prezidenti Fundasaun dehan tan, Fundasaun tenki fó apelu forte ba pessoal hotu, husi lider top to’o kraik, hodi kria unidade, konsolida organizasaun internalmente hodi hamutuk lori situasaun halo servisu di’ak ba nasaun no povu.
Entretantu Retór IOB, Pedro Bareito Ximenes ST. MM hatutan, bazikamente pesoál sira ne’ebé mak hetan ona tomada posse, mazeia duni ba meritu no pernenete atu tau ba pozisaun sira. “ Ita investe, ita fó fiar ba joven sira ho ita-nia kolega feto sira husi IOB,” Pedro Ximenes dehan tan.
Retór IOB mós fiar katak, futuru nasaun iha joven sira – nia liman rasik. “ Maske fó fiar ba joven sira, dalan ida mos mantein nafatin kombinasaun di’ak entre joven ho senior sira,” nia hateten.
Nia mós reafirma, palavra xave husi esforsu hotu mak hadia no hametin kualidade servisu no kualidade edukasaun. “ Ha’u hakarak hato’o, primeiru kualidade ensino, kualidade infraestrutura, kualidade aprendisazen, kualidade peskiza no kualidade graduadu sira. Ne’e nuudar liafuan Xavi ba estrutura foun,” nia dehan tan.
Nia dehan, mudansa pesoal no estrutura kada tinan haat iha IOB, nudar esforsu atu renovasaun ba familia boot IOB, hodi fó espiritu no motivasaun foun atu hametin instituisaun ne’e sai forte liutan,” Retór IOB hateten. (*)
