Reportajen : Celcia Magno
VENILALE (lifaupress) : Manorin Flamenia Terezinha Silva Correia, apresia simu pose ba Bolsu Meritu husi Vise Ministru Edukasaun iha Dili, Tersa Feira (14/05/2024), hodi koloka ba eskola sira ne’ebe menus professor.
Manorin Flamenia hanorin materia lian tetun no Artistika Iha eskola Sao Cristovao Venilale, Baucau, Paralelo ABFR Colegio Beato Filipe Renaldi Venilale durante tinan 3. Iha teste Bolsu meritu ne’ebe hetan valor 62, valor ne’ebe aas.
“Hau apresia tebes ba oportunidade simu pose husi Ministeriu Edukasaun liuhusi vise ministru Edukasaun. Buat ne’ebe ha’u mehi husi kik hakarak sai manorin, ikus sai realidade hodi hanorin no eduka estudante sira,” Manorin Flamenia dehan.
Manorin Flamenia Terezinha Silva Correia deklara Ida ne’e ba Jornalista online lifaupress iha via telefone watshap Kuarta feira(15/05/2024)iha tuku 9 Dader OTL.
Manorin Flamenia Terezinha Silva Correia, moris iha loron 9 Jullu 1998 . Oan daruak husi maun-alin na’in 5 husi aman Manuel Correia (Professor) no Inan Terezinha da Silva (professora matebian ) husi aldeia Liabala, Suku Uatu-haco, agora hela iha Hedimumu, Venilale.
Edukasaun fFormal
2004-2010: Ensino Basiku iha Eskola Katolika Venilale
2011-2023: Pre-Sekundaria iha Eskola Sao Cristovao Venilale
2014-2016: Eskola Sekundaria Essa Baucau
2017 – Universidade Iha ICFP Baucau, Fakuldade Edukasaun . (*)
