Reportajen : Celcia Magno
VENILALE (lifaupress) : Nofiana Merlinda do Rego atualmente sofre hela moras difisiensia komplikadu ba liman, ain no seidauk hatene koalia di’ak durante tinan 18.
Nofiana Merlinda Do Rego (idade 18), mak oan husi aman Domingos Do Rego inan Merlinda de Sousa, moris iha loron 20 Novembru tinan 2006, oan dalima husi maun – alin nain 6, kompostu feto 3 no mane 3.
Tuir kronolojia, Nofiana Merlinda Do Rego moris mai ho kondisaun normal. Maibe bainhira halo fulan tolu, sofre moras isin – manas deit. Husi ne’e kedas, familia lori ba halo tratamentu iha Klinika Sentru Postu Saude Venilale.
Bainhira fila ba uma, mediku sira kontinua halo tratamentu iha aldeia Uaitalibu, Suku Uatu-haco Venilale to’o halo fulan 5 .
Maibe, hanoin nee la iha mudansa signifikante ba Nofiana nia saude. Liman – ain mamar no kakorok la metin. Nune’e, familia sira lori Nofiana ba Ospital Regional Eduardo Ximenes HoReX Baucau, hidi kontinua halo tratamentu. Maibe mediku sira la deteta Nofiana nia moras. Tanba mediku sira konfuzaun ho Nofiana nia moras liman ain mamar no kakorok la metin. Maske nune’e, kontinua han no hemu barak.
Bainhira alta husi Ospital Regional HoReX Baucau, familia konfuzaun ba oan nia moras. Maibe realidade hasoru moras difisiensia komplikadu ba matan, liman no koalia seidauk hatene moos to’o ohin – loron.
Domingos Do Rego, aman husi Nofiana ba Jornalista online www. lifaupress.com iha nia rezidensia Aldeia Uaitalibu, Suku Uatu-haco, Postu Administrativu Venilale, Baucau, Sexta feira (17/05/2024)iha tuku 2.00 loraik OTL, hato’o nia sentimentu triste tebes.
“ Durante ne’e, ami fo han deit etu, modo no sasoro. Bainhira sintina, sempre hatudu sinal hakilar ka halo jestu hodi truka ropa. Ami Kuidadu nia troka malu deit. Ha’u no nia Ama rasik husi kik, ate ohin – loron . Agradese ba Maromak tanba nia sei hamutuk ho ami, halo kontenti ho jestu, maske seidauk hatene koalia, labele la’o no labele kaer sasan ruma. Pasensia ho fuan boot, hodi simu realidade ne’e durante tinan 18, ” Domingos Do Rego hehan.
KONTENTI : Nofiana kontenti foto hamutuk ho journalist online notisia www.lifaupress.com, hafoin entrevista iha nia uma, Aldeia Uaitalibu, Suku Uatu-haco, Postu Administrativu Venilale, Baucau, Sexta feira (17/05/2024. Foto LP/ Dok. Celcia
Durante tinan sira ikus, familia lori nia ba halo tratamentu deit iha programa Sisca no Sentru Saude Venilale, no aimoruk hodi Konsumu.
Alemde ne’e, Domingos informa, familia mos hodi trata nia dokumentus sira iha munisipiu Baucau, hanesan kartaun eleitoral, Bilhete Identidade, Sertidaun RDTL no Sertidaun Baptismu atu hetan Subsidiu husi Governu. Nune’e bele sustenta nesesidade uma laran, .maibe to’o agora seidauk iha rezultadu.
Kona ba asaun karidade husi ema seluk no no Padre no Madre Salesiana/o.. banesesidade baziku hanesan fos, mina no seluk tan. (*)
