Reportajen Celcia Magno
VENILALE (lifaupress): Polisia komunitaria liuhusi Policia Eskuadra Venilale sosialzisaun programa tolu hanesan floresta tranzitu , no krime Publiku ,estatistika krime no Kazu Sira nebe akontese iha postu Venilale durante tinan 2023-2024.
Objetivu ba programa sosializasaun ne’e, atu prevene ba kazu sira ne’ebe rejistu iha Policia Eskuadra Venilale, habelar liutan programa tranzitu, floresta no krime Publiku ba Autoridade local sira
Autoridade lokal ne’ebe partisipa sosializasaun iha Salaun Postu Administrativu Venilale Munisipiu Baucau Kuarta Feira (15/05/2024)tuku 9 dader OTL ne’e, mak Xefe Suku ho Konsellu Suku. Alemdene’e, iha mos reprezen tante husi partidu politika, veteranus no estudante sira.
Orador principal iha sosializasaun ne’e mak Procuradoria Publiku, Ambrosio Rangel, Prezidente Sub-KRAM, Amu Justiniano De Sousa SDB, Sargentu Xefe policia Baucau, Bernadete Belo, membru policia tranzitu, Zelia Fatima no Xefe Departementu Floresta, Pasqual Afonso Belo.
Xefe Postu Administrativu Venilale, Jose Freitas Boavida hateten, liuhusi sosializasaun ne’e sensibiliza autoridade sira atu halo esforsu prevene kazu sira iha postu Venilale, prosesa floresta sira nebe lakon, hamenus violencia domestika, tranzitu no krime.
“Autoridade nia papel mak tau matan ba ema hotu iha nia papel, mekanizmu ba komunidade. Tanba ne’e precisa servisu hamutuk, hodi hamenus kazu sira iha Postu Venilale, “. Xefe Postu Administrativu, Jose dehan.
Komandante Esquadra Polisia Venilale, Sarjentu Polisia Sebastiao Freitas, mos rekunhese liuhusi sosializasau ne’e hamenus kazu no prevene violencia domestika labele tan.
Entretantu Procuradoria Jeral Publiku munisipiu Baucau, Ambrosio Rangel esplika, presiza hatene krime semi Publiku no krime Publiku. Tanba ministeriu publiku servisu hamutuk ho policia sira hodi hare ba kazu Sira hodi prosesu tuir dalan legal.
Aliende ne’e Sarjentu Xefe policia Baucau Bernadete Belo husu Ba Populasaun hotu ,labele tauk atu keixa Kazu saida deit nebe akontese , Tanba ema hotu iha direitu no moris iha lei nia okos, hodi prosesu tuir dalan legal.
Membru policia tranzitu, Zelia Fatima husu ba motorista sira atu hatene sinal tranzitu sira, iha dokumentu kareta no kartabkondusaun. Bainhira la halo tuir, bele kona multa bazeia ba kontra lei nee. .
Entretantu, Xefe departementu Floresta, Pasqual Afonso Belo nafatin husu ba komunidade hotu labele tesi ai arbiru iha fatin hotu hotu, hodi prevene rai monu iha tempu udan. Komunidade no autoridade lokal sira presiza servisu hamutuk, halo Seguransa ba ida- idak nia floresta hodi halo rai buras, matak no furak. (*)
