Reportajen Celcia Magno
VENILALE (Lifaupress) : Kambatentes Libertasaun Nasional liuhusi Conselho Veteranus munisipiu Baucau, tuir planu sei iha validasaun ba restus mortais, tuir uma lisan ida-idak iha Aldeia 35, suku 8 iha, Uma lisan hamutuk 420, area Postu Administrativu Venilale.
Iha validasaun ne’e, sei rekolla dadus husi martires sira ne’ebe mate iha funu laran maibe seidauk halot ruin to’o ohin – loron.
“ Identifika sira – nia rui, no buka hatene familia sira halot ona ka seidauk, sura husi tempu funu to’o ohin loron era Independensia total,” Xefe Postu Administrativu Venilale Jose Freitas Boavida hateten ida ne’e, bainhira halo abertura ba Treinamentu ba validasaun martires de Patria iha Salaun Postu Venilale Munisipiu, Baucau, Kinta – feira (16/052024) tuku 9 dader OTL.
Xefe Postu Venilale, Jose Freitas, husu ba autoridade lokal, rekursus veteranus suku no kombatentes libertasaun nasional, liuhusi Conselho Veteranus iha obrigasaun no dever presiza servisu hamutuk hodi hetan rezultadu di’ak durante loron 17.
Sidonio Ximenes, Membru Konsellu Veteranus Baucau. Foto LP/Cel
Membru Konsellu Veteranus Baucau, Sidonio Ximenes hateten, iha dever atu hatene restu mortais ne’ebe mate iha funu laran husi kada uma lisan, atu estadu bele rekonese nudar Saudozu /a iha Timor Leste.
Sidonio dehan, iha tinan 2024 Konsellu Veteranus halo validasaun no identifika ona restus mortais kada uma lisa,n hahu husi Postu Baucau Vila , Vemase no atualmente iha Postu Venilale.
Entretantu, responsabel kombatentes libertasaun nasional Postu Venilale, Domingos Santana Guterres hateten, treinametu ba veteranus ne’e atu verifika no ba Uma lisan sira ne’ebe rejistu ona iha tinan lima, hodi nasional bele dignifika Uma Lisan no martires sira kada Uma lisan.
Hafoin treinametu, Konsellu Veteranus Baucau servisu hamutuk ho autoridade lokal, sei verifika no valida kada suku 8 iha uma lisan 420. Durante lroon 17, kada loron ida presiza verifika no validasaun uma lisan 24.
Afonso Ribeiro, Rekursus antigu kombatentes suku Fatulia, Venilale
Rekursus antigu kombatentes suku Fatulia, Afonso Ribeiro , dehan veteran apresia atividde ne’e, atu halot martires sira no valida ba uma lisan ida-idak hodi hetan rekonesimentu husi estadu. (*)
