Reportajen : Imaculada Tefa
OE-CUSSE ( lifaupress) : Sarani rihun, partisipa Misa Sinza, Kuarta-feira (18/2/2026) iha Igreja Numbei, Parokia Nossa Senhora do Rosario de Oe – cusse, Suku Costa, Pante Makasar, prezidi husi Amu Paroku, Florindo de Jesus, hahu kuaze tuku 08.00 to’o 11.00 dader.
Iha nia omilia, Amo Paroku, Florindo de Jesus hateten, Evangelu haktuir husi Sao Mateus hateten “ Imi sei buka halo di’ak, atu ema seluk hahi imi atu halo di’ak, karik aman Maromak sei haraik prémiu ba imi iha Lalehan. Nune’e bainhira Ó fó izmola labele lirik hanesan ema laran makerek iha Uma Kreda, atu ema seluk hahi sira.”
Nian dehan tan, “ Imi ema sira ne’e simu ona sira – nia kolen, bainhira Ó fó izmola, buka fó subar, hodi liman karuk labele hatene hodi liman los sala saida? Atu nune’e ó-nia Aman iha Lalehan hare buat hotu, nia mak sei fó Ó-nia kolen. Sei bainhira ba hamulak iha Uma Kreda atu hatudu katak sira hamulak, sira simu ona sira – nia kolen.”
Dehan tan, “ Bainhira hamulak, buka tama iha uma laran, taka odamatan, hafoin hahú hamulak haksumik ba Aman Maromak. Tanba Ó-nia Aman iha Lalehan hare no hatene hotu. Nia mak sei fó Ó-nia kolen. Bainhira Ó hader an labele halo oin nakraik hanesan ema laran makerek sira. Halo nune’e, Aman Maromak sei selu Ó-nia kolen.”
Nune’e, Amo Florindo de Jeus esplika, iha Kuarta – feira Sinzas, sarani sira mai hodi simu ne’ebé kose iha rein to’os ho simbolu marka Kruz, hatudu sinál hakribi sala. “ Tanbasá la kose iha ita – nia fuan ho ita – nia hirus matan, maibé tenki kose ba rein to’os? Hahú husi ulun mak lori ita – nia isin-lolon. Ulun mak dala ruma halo ita laran moras no odiu malu. Hahalok aat ne’e mai husi ulun, tanba ulun mak iha fatin aas liu hotu,” nia dehan,
Ne’e duni, ho hahalok aat tenki buka hakribi sala sira iha tempu Koarezma, hodi ba selebra festa Paskua ho hanoin moos no fuan moos. “ Tempu di’ak atu hakribi ita – nia sala, loron maksoi ita buka hetan perdaun ba ita – nia sala sira. bainhira hahalok konvensau no hatais karon ne’e sinál konvensaun hakarak fila – fali bá Maromak,” Amo esplika tan.
Nune’e, husu ba fiar na’in sira, sarani Kristaun Katólika buka mantein hametin an, partisipa iha Misa Kaurta – feira Sinzas ne’e. “ Paskua hahú husi Sinzas, marka ita – nia rein to’os, prepara hodi selebra Festa Paskua ne’ebé nuudar Sarani Katólika, ita moris iha Liturjia laran,” Amu Florindo dehan.
Misa Sinzas ne’e la’o hakmatek, tanba kolaborasaun servisu eskuteirus no sarani sira, durante Misa. Alemde ne’e, movmentu sarani sira mós la’o seguru, tanba servisu maka’as husi autoridade Polisia Komamndu Polísia RAEOA, hahú dader to’o Misa remata. (*)
