Reportajen : Jacinta Mendes Goncalves/ Elizaria Noronha
DILI (Lifaupress) : Reprezentante Organizasaun Mundial Saude (OMS), Dr. Arvind Mathur, hasoru malu ho Prezidente Jose Ramos-Horta, Kuarta feira (16/01/2025) 02:00 – 04:45 oras Timor Leste iha Palasiu Prezidensial Bairopite , Dili.
Iha enkontru ne’e, Dr. Arvind Mathur atualizasaun kona-ba inisiativa saúde públika oioin iha Timor-Leste. Alemde ne’e, Dr. Mathur mos esplika preokupasaun kona-ba vírus HMPV.
Nia dehan ba Prezidenti Republika, katak, vírus HMPV la hamosu ameasa signifikativu ba saúde públika.
“ Onra bo’ot mai ha’u, atu realiza enkontru ho Prezidente Republika. Ha’u apdate kona – ba situasaun vírus HMPV, laiha perigu boot ba ita – nia nasaun no la’os ameasa boot. Daudaun ne’e, ita-nia ministeiru saude hamutuk ho MSSI prepara servisu sira ho di’ak, no ba aturesponde ba asuntu ne’e mos di’ak,” Dr. Arvind Mathur.
Tanba ne’e, OMS husu ba populasaun sira atu labele paniku. Tanba virus ne’e laiha risku boot , hanesan moras respuratoriu komun, mear baibain. Bainhira akoneste karik, presiza halo prevensaun hanesan uza maskara, bainhira Ita fani.
Iha enkontru ne’e, Dr. Arvind Mathur mos informa kona-na Timor Leste se’i sai Uma na’in ba enkontru internasional ba rejiaun sudeste asiatiku, hare ba asuntu mudansa klimatika, ne’ebe sei hala’o iha loron 24 – 28 Fevereiru 2025.
Eventu ne’e subliña kompromisiu husi Prezdenti Republika, no povu Timor-leste relasiona ho mudansa klimátika. Adisionalmente, Dr. Mathur fornese atualizasaun sira kona-ba inisiativa saúde nian ne’ebé la’o hela, inklui levantamentu validasaun ba moras Trakoma no Yaws, no mós progresu iha programa eliminasaun malária nasaun nian. (*/MedPR)
ENKONTRU : Reprezentante Organizasaun Mundial Saude (OMS), Dr. Arvind Mathur, hasoru malu ho Prezidente Jose Ramos-Horta, Kuarta feira (16/01/2025) 02:00 – 04:45 oras Timor Leste iha Palasiu Prezidensial Bairopite , Dili. Foto LP/MidiaPR
