Reportajen: Serafin Simão Quelo
OE-CUSSE ( lifaupress ) : Selebrasaun Misa Natal iha Parokia Nossa Senhora Rosario Numbei, Oe_- Cusse (24/12/2024) kalan Prezidi misa husi Amu Florindo de Deus .
Iha nia Omilia, Amo Florindo de Deus hateten, ” Ita Sarani Kristaun Katolika tomak iha mundu rai klaran selebra Jesus nia loron moris ne’e simples teb_tebes. Liuhusi Misa ne’e, ita hotu refleta kalan boot ema toba hotu ona, Sao Jose ba dere odamatan hodi husu fatin atu inan Maria, tur ahi. Maibe Uma na’in hatan dehan fatin laiha.” .
Ne’e signifika, Amo esplika tan, ema rezeita kedas Jesus moris iha mundu ne’e. “Tamba ne’e, ita ema moris tenki haraik an, labele loko an, tenki hatudu ita nia simplesidade hanesan Jesus hatudu mai ita. Nia moris iha Bibi luhan no hatoba Nia iha bibi nia han fatin ne’ebe bibi atan sira prepara ba bibi sira hodi han. Bibi atan sira ne’e mak se? Mak ita sira ne’ebe fiar iha Jesus no selebra Misa ne’e.
Ita ema moris iha mundu, tuir Amo Florindo de Deus, presiza buat tolu, mak sandang (hena hatais – Tetun), pangan (hahan) no pangan ka uma nba ema hela.
Selebrasaun Misa Kalan Nnatal ne’e, hetan partisipasaun husi Sarani Katoliku kuaze ema 1,000 resin, hamutuk ho Autoridade Rejional Admiistrativu Espesial Oe-cusse Ambeno (RAEA), PNTL, FF- FDTL no Responsavel koru husi Grupu JDN Karismatiku. ( *)
