Reportajen : Marçelo C Colo
Oé -Cusse (Lifaupress) : Prezensa Universidade da Paz (UNPAZ) klase normal Oe-cusse, desde tinan 2022, atu fasilita Oe-csseoan sira hodi hetan asesu ba eduka nivel Ensinu Superior.
Diretor Universidade (UNPAZ) alase normal Oé -Cusse (RAEOA), Gilberto Suni Mota, esplika, ho prezensa UNPAZ iha Oe – Cusse la prejudika ona distansia entre Co-Cusse ho Dili, kapital Timor-leste, ne’ebe tenki hakat tasi no distansia dook tebes.
“ Bainhira UNPAZ loke ona ia klase parallel iha Oe-Cuse, RAEOA, ekonomikamente ajuda tebes foin-sa’e sira no Oe-cusse oan em jeral ne’ebe hakarak kontinua eskola iha ensinu superior. Tanba, la presiza hasai osan atu selu transporte ba Dili no la presiza ona osan barak atu selu hetan fatin no nesesidade baziku lorloron,” Gilberto Suni Mota esplika ba jornalista www.lifaupress.com iha nia servisu fatin, foin dadaun.
Alemde ne’e, prezensa UNPAZ mos hodi hatan Governu-nia politika kona- ba dezentralizasaun, hodi prepara no hasa’e kapasidade rekursu umanu iha RAEOA.
Atualmente, UNPAZ Paralel Oé -Cusse, ne’ebe lokaliza iha igreja Tuan, Aldeia Santa Rosa, Suku Costa, Sub Rejionàl Administrativa Pante Makasar, Oé-Cusse, opera ho fakuldade 6 kompostu husi Faculdade Ekonomia, Direitu, Sensia Sósias e Humaniora, Saúde Públika, Engenharia no Fakuldade Agríkola. Kada Fakuldade iha nia Departmentu idaidak.
“UNPAZ lori matak malirin ba Atoni oan sira, hodi tane ita Rai no tane Oé-Cusse ba Timor-Leste Nia Dezenvolvimentu ba povu rasik no ba mundu,” nia dehan tan.*
