OE – CUSSE (lifaupress) : Oe-cusse -oan antisiazmu partisipa formasaun jornalizmu baziku hodi promove jornalizmu ba sosiedade no mos haburas midia iha rai enclave ne’e.
Atualmente, foin-sa’e sira partisipa hela formasaun jornalizmu baziku, fasilita husi Sentru Talentu Jornaliztiku (STJ) Dili, koopera ho Radiu Komunidade Atoni Lifau (RACAL), desde 29 Nevembru 2024.
Formasaun ne’ebe realiza iha salaun RACAL ne’e, hili matera jornalizmu baziku ho formador kuaze na’in 4, inklui jornalista senior, Otelio Ote nudar mos inisiador no hetan apoiu husi jornalista sira ne’ebe destakadu iha Oe- cusse.
Oteio Ote ba www.lifaupress.com esplika, Oe-cusse nudar rai ketan ida ne’ebe dook husi kapital Dili, presiza duni inisiativa atu loke formasaun jornalizmu.
Durante tinan barak nia laran, Oe – cusse oan sira iha enclave, susar atu hetan asesu ba formasaun ne’e. “ Ho prezensa formasaun ne’e iha Oe-cusse, atrai tebes foin-sa’e sira atu partisipa formasaun teknika profisional ne’e,” Otelio Ote, hateten.
Oe-Cusse ne’ebe hetan atensaun seriu husi Governu Sentral liuhusi estatutu Rejiauan Administrativu Espesial Oecusse Ambeno, atualmente lidera husi Rogerio Tiago Lobato, nuudar jerasaun luta na’in iha prosesu libertasaun Timor-leste husi kolonializmu no konsege restaura duni independensia total iha loron 20 Maiu 2002, ho asistensia husi Nasoens Unidas. (*)
