Reportagen : Florentina Bianco da Cruz
DILI— (Lifaupress ): Universidade Dili (UNDIL) no Universidade Oriental Timor Lorosa’e – (UNITAL) asina akordu programa oferta bolsu estudu ho empreza Petrolífera Finder Energy nuudar Operadór bloku PSC 19-11) iha área juridisaun Timor-Leste.
Serimonia asina akordu ne’e hala’o iha Iha Universidade Díli UNDIL Kintal-boot, Dili, Tersa-Feira (05 Agostu 2025).
Dekanu Fakuldade Engenharia Univerdade de Dili (UNDIL), Januario Bernados ba Jornalista sira esplika, bolus estudu ne’ fornese ba timoroan sira ne’ebe estuda area engenaria iha UNITAL ho UNDIL.
“Liu-liu ba ita nia inan feton sira, atu hasa’e tan konesementu no motiva sira. Ita hatene katak, área engenharia menus estudante, nune’e liuhusi bolsu estudu ne’e, alin feto sira kontinua sira – nia estudu iha engenhria, espesifiku ba área minerais,” Dekanu Fakuldade Engenharia UNDIL hateten.
Empreza Petrolífera Finder Energy sei oferese bolsu estudu ba tinan ida, no mos sei realiza seminár kada tinan.
“ Tuir MOU, kada Universidade bolsu estudu na’on 4. Universidade mak sei desidi estudante ativu se mak sei hetan, liu-liu estudante feto sira iha semester inisiu to’o semester 3,” noa esplika tan.
Iha sorin selu,k Vise Diretor Asuntu Administrasaun Finansas UNDIL, Gineiros da Costa Belo hatetetn, UNITAL ho UNDIL no parseiru Finder Energy asina akordu bolsu estudu nee, liuliu area Geologia, Minas, Kimica no Matematika.
” Espera estudante feto na’in 8 ne’ebe Universidade prepara, bele iha opurtunidade simu hotu bolsu estudu. Ita sei hein empreza nia desizaun tuir mai. Sei liu hotu, gracas de Deus,” nia dehan. (**)
