Reportagen: Osterlia Muni
DILI-(Lifaupress): Timor-leste husik tan traballador na’in 100 hodi servisu ba kompanhia iha Australia. Antes ne’e, Timor-leste mos haruka traballador atus resik servisu iha nasaun Kanguru ne’e.
Sekretariu Estadu Formasaun Profisional no Emprego (SEFOPE), Rogerio Araujo Mendonça bainhira halo despendida ba traballador sira iha Dili, semana rua liuba hateten, programa ne’e nuudar opurtunidade di’ak ba timoroan sira hodi trabalhador sira aumenta kunhesimentu no abilidade servisu no lori benefisiu ekonomia ba familia.
“Australia kontenti tebes simu traballador foun sira, mesak timoroan de’it, tanba fo benefisiu ba Governu Australia no Timor – Leste, “ Sekretariu Estadu SEFOPE ko’alia ba jornalista sira, Kinta – feira (07/08/2025) iha salaun Hilton Fatuhada, Dili..
Rogerio Araujo Mendonça informa, kompanhia 53 iha tempu liuba vizita ona Timor-leste, koa’lia konaba nesesidade trballador timoroan. No sei iha tan kompanhia 60 resik mak hakarak mos atu rekruta joven timoroan sira servisu iha Australia.
Durante ne’e, trballador timoroan iha Australia atudu komportamentu no prestasaun servisu di’ak tebes.
” Timor-leste ho Australia asina ona join statemen, atu kontinua hasa’e numeru traballador atu ba servisu iha Australia tinan 2 ka tinan 3 tuir mai. Ita presiza prepara ema kuaze rihun 10. Agora, ita prepara hela,” Sekretariu Estadu dehan tan.
Tanba ne’e, Governu seriu loke Sentru Formasaun iha munsipiu sira hodi responde merkadu TRaballu husi Australia, bainhira de;it presiza.
Entretantu, Simoa Gabriella Belo, trabalhadora husi munisipiu Baukau ba area hortikultural sente kontente, tanba hetan tan oportunidade servisu iha Australia.
“Iha dezafiu barak, kompara servisu iha Timor. Maibe, bainhira ita hasoru difikuldade iha lingua inglesh ka la hatene servisu, tenke husu ajuda ba sira hodi ajuda ita,” Simoa Belo hateten.
Nia mos iha mehi atua ban-bainrua fila mai Timor, halo netik buat ruma bazeia ba nia espeirensia servisu no osan ne’ebe nia hetan. “ Ita hanoin ba futuru,sempre baoin nafatin. Nune’e presiza deit mak oinsa ita bele jere buat ne’ebe ita hetan, “ nia dehan tan.
Nune’e, husu ba joven sira ne’ebe seidauk hetan oportunidade, tenke pasensia barak para hein oportunidade tuir mai. “ Ami ne’ebe ba uluk tenke hatudu ezemplu di’ak,” nia dehan. (*)
