Reportagen: Osterlia Muni
DILI – (Lifaupress): Tinan 11 ona, Lei Komunikasaun Sosial Numeru 5/2014 vigor ona iha rai laran. Mudansa Plataforma media komunikasaun sosial, hatudu progresu signifikante. Komunidade Midia no Sekretaria Estadu Komunikasaun Sosial (SEKOMS) komesa preokupa, ho papel midia no sosiedade iha dezenvolvimentu Komunikasaun Sosial.
Atu haforsa ezistensia media, nudar matan-tilun no ibun sosiedade tomak, presiza halo revizaun Lei Komunikasaun Sosial.
Desde tinan 2023, SEKOMS halo ona esforsu lubuk ida. Loke komunikasaun ho Konsellu Imprensa (KI), Organizasaun Jornalosa no instituisaun Midia sira.
SEKOMS ho KI mos prepara ona esbosu revizaun ba lei Komunikasaun Sosial. Loron hirkaliu ba SEKOMS konvida KI, aprezenta testu esbolu lei, no hetan ideia no Kritika balun husi KI konaba kontiudu Lei.
“ Maske iha diferensia leitura ba kontiudu esbosu lei ne’e, KI no SEKOMS konkor atu halo ba parte balun no elimina artidu kona- ba responsabilidade criminal ba produtu jornalistiku,” Sekretariu Estadu Komunikasaun Sosiasl, Expedito Dias Ximemes esplika ba jornalista sira iha Dili, hafoin ekontru ho Prezidenti KI, Antonio Secar Mali ho nia ekipa.
Tuir Expedito Dias, enkontru preliminar, komunikasaun no konsultasaun ho KI nuudar parseiru prinsipal kona-ba substansia Lei Komsos,
Entreatntu, Prezidenti Konsellu Imprensa. Atonio Secar Mali hateten, Diskusaun ba revizaun Lei Komunikasaun Sosial tenki akomula ema hotu.
“Ita nafatin halo diskusaun, labele para iha ne’e de’it. Ami diskute ho SEKOMS foka liu ba pontus balun, ne’ebé presiza halo tan ajustamentu. Nune’e enkontru tuir ami, bele intende malu di’ak liután,” Mali hateten.
KI konsidera revizaun Lei Komunikasaun Sosial importante, maibe labele rezultadu lei foun ho karater urjenti. Nune’e, diskusaun semana sira tuir mai, se konsentra ba substansia loloos. (*)
