Reportajen: Natalia De Jesus
DILI ( lifaupress): Autoridade Protesaun Civil (APC) liuhusi Xefi Relasaun Esterna no Komunikasaun, Nelson De Jesus Orleans , informa durante semana ikus, rejistu xefi familia 3 mak sai vitima husi dezastre naturais ho tipu dezastre la hanesan.
Hahu iha loron 23 – 29 Junho 2024 durante semana ida ne’e situasaun klima Timor-leste normal.
Maske nune’e, APC rejista uma aat 5 no numeru ema afeitadu 34 iha munisipiu la hanesan. Iha munisipio Aileu akontese ahi han uma 1, Baucau iha anin sobou uma (1) no ahi sunu uma ( 2). Iha Munisipiu Ermera, ahi han uma ( 1) no rai halai ( 3 ).
Komandu APC Munisipiu ho parseiru relevante sira fo ona Asistensia emerjensia ba familia efeitadu sira, ne’ebe ahi sunu.
Tuir dadus, iha ema mil resin mak halo rejistu ona, maibe ekipa sei kontinua halo verifikasaun dadus. (*)
