Reportajen Celcia Magno
Venilale (lifaupress) : FC Leao halakon FC Genly ho skor 5-3 iha jogu desportu komunitariu ne’ebe’e hahu realiza iha loron Domingu (16/06/2024) tuku 3:39 OTL iha Campu futebol Venilale, munisipiu Baucau.
Jogu desportu komunitariu ne’e, atu hametin lasu amizade entre joven sira, nebe mak antes ne abertura ona iha loron (26/05/2024) husi autoridade munisipiu Baucau liuhusi Sekretariu Planeamentu Investimentu Dezenvolvimentu Intergradu – PIDI, Eduardo Freitas Ximenes.
Jogu entre ekipa rua hahu ho di’ak tebes. Liu minutu 4:30 deit, FC Leao marka uluk golu ida, husi jogador ho numeru kamizola 19 ba ekipa FC Genly.
Nune FC Leao kontinua jogu ho kreativu, pasa bola ba malu ho di’ak tebes. No iha minutu 14:39, Fc Leao marka tan golu daruak, liuhusi jogador ho numeru kamizola 9 ba FC Genly.
FC Leao nafatin la fo tempu atu FC Genly hatama golu nune. No FC Leao kontinua marka tan golu datoluk liuhusi jogador ho numeru kamizola 15 ba FC Genli iha minitu 24:25.
Maske simu golu tolu, FC Genly la hamate espiritu vontade, kontinua esforsu ho forsa hodi hadau bola husi FC Leao. No iha minutu 35:33 FC Genly marka golu dahuluk ba rede FC Leao liuhusi jogador ho numeru 7 hodi muda eskor sai 3 -1 to jogu primeira parte remata .
Tama Ba segundu parte, FC Leao marka tan golu dahaat liuhusi suta penalti husi jogador ho numeru kamizola 19 iha minutu 49:21. FC Lia oli ho esperansa luta nafatin ba bola liu minutu no 69 FC Genly ho jogador numeru 9 marka tan golu daruak liuhusi suta penalti mos.
Iha minutu 79, bainhira jogu atu besik remata ona, FC Leao marka tan golu dalima husi jogador ho kamizola numeru 7. Golu ne’e la hamate FC Genly nia forsa no vontande.
Ho esforsu da luta, iha, iha minutu 82 FC Genly hatama golu datoluk, husi jogador ho kamizola numeru 6. To’o jogu segundo parte remata, FC Leao domina golu ho skos 5 – 3.
Treinador Husi FC Leao, Lucio Fernades apresia jogador sira hotu, tanba husi jogador na’in rua nebe mak marka golu 4, kada jogador ida marka golu rua .husi jogador ho kamizola numeru 19 ho numeru 7, ho naran Nelvio De Sousa no Jose Freitas.
Jogu desportu komunitariu ne’ebe realiza de’it iha loron Segunda, Sesta, Sabadu no Domingu, sei remata iha loron 28 Novembru 2024.
Jog loron ne’e la’o hakmatek, tanba hetan seguransa maximu husi Polisia Eskuadra Venilaleno asiste husi adeptus kuaze atus rua resin iha Kampu Futebol Venilale. (*)
