Reportajen : Celcia Magno
Baucau (lifaupress) : Organizasaun Rezistensia Sagrada Familia ORSF, sosializa rezultadu Tersu kongresu Nasional primeira konferensia, hodi hametin unidade Nasional liuhusi reajustamentu estrutura iha zinaziu Baucau, Kinta Feira (27/06/2024)tuku 10:00 dader OTL.
Objetivu husi sosializa rezultadu Tersu kongresu nasional ne’e, atu prepara an hodi kria unidade nasional ho membru klandestina sira hotu no atu hatene klean heroi no martires sira ne’ebe mate iha funu laran, maibe to ohin – loron seidauk haloot , balun faluk no oan kiak sira ne’ebe to oras ne seidauk hetan sira nia direitu.
Antes tama ba serimonia kongresu nasional, hala’o uluk konferensia imprensa, simu Lideransa Fundador ORSF L7 , Konseleiru Lere Anan Timor, Sekretariu Vetranus munisipiu Baucau Manuel Da Costa Alari ho Dansa Kultura, Drum Band no tara tais.
Orador prinsipal ba iha kongresu nasional ne mak ,Fundador Organozasaun Rezistensia Sagrada Familia L7 , Konseleiru ORSF Lere Anan Timur, Sekretariu Estadu Vetranus munisipiu Baucau, Manuel Da Costa Alari, Komandante Komando Munisipiu Baucau,Antoninho Mauluta. Abertura ofisial ba kongresu ne’e hala’o husi Konseleiru ORSF, Lere Anan Timor.
PARTISIPANTE : Partisipante Kongrejista ORSF iha Baubau Serie rona materia husi orador sira. Foto LP: Celia Magno
Prezidente komisaun organizadora ORSF Munisipiu Baucau, Albino da silva Xavier”Sakoko “ba jornalista sira hateten, liuhusi konferensia dahuluk ida ne’e, halibur malu ho rezistesia sira hotu, ba presiza luta emblema nasional ne’ebe iha Timor leste kria mak unidade paz no estabilidade ba jerasaun foun sira.
Aliende ne Konseleiru ORSF, Lere Anan Timor iha nia intrevista ba jornalista sira hateten,liuhusi konferensia dahuluk iha munisipiu Baucau ne’e, hamosu debate kona ba vida moris agora no ba futuru nian, espesial ba rezistensia sobreviventes sira durante iha funu laran.
Tempu uluk, luta ba liberta patria nune ema barak mate no sofre ba rai ne’e. Balun moris hela ate agora, nune Sagrada familia hatutan to ohin loron, no buka oinsa governu no rezistensia sira nia ukun to ohin loron atu hasai povu husi kiak no mukit laran.
” Nasionalismu no patriotismu mihis ba dadauk iha timor laran, liliu ba jerasaun juventude sira agora. nian la hanoin luta ba ukun an ne nia konseskuensia saida? Maibe ba sira nebe mak moris iha funu laran hatene terus no susar fakar ran hodi timor ukun-an,. Nune’e ami sei moris, kontinua hafanun no banati tuir patriotizmu no nasioanlizmu ba jersaun foin sira,” Konseleiru ORSF Lere Anan Timur dehan.
Lere Anan Timur apela nafatin atu ORSF lao ho diak iha futuru. Atu dezenvolve rai ne’eba oin, nafatin presiza harii organizasaun Rezistensia metin no dignu iha teritoriu laran.
Tinan ne ‘e kongresu nasional halao ona iha munisipiu balun hanesan Vikeke, Uatulari, Suai,Likisa, Baucau no sei kontinua ba munisipiu seluk.
Entretantu Prezidente ezekutivu Nasional ORSF, Manuel Besi “Krekas” espera, liuhusi konferensia ne’e hatutan ba jerasaun foun sira kona – ba rezostensia da luta ukun rasik an. Nune jerasaun sira kontinua hatutan istoria da luta iha futuru.
Konferensia dahuluk iha Baucau partisipa husi kogrejista hamutuk 650, delegados ba grupu kaixa kalndestina no 121 durante 24 anos husi postu adminstrativu 6 mak Baguia ,Kelikai ,Laga,Vemase , Baucau vila,no Venilale no konvdadus Rezistensia balun husi Munisipiu 13.
Totalorsamentu hodi realiza kongresu nasional nebe kontribui mai husi organizasaun Rezistensia Sagrada familia Postu Administrativu 6 hamutuk dolar amerikanu 12.457.00 (*)
