Reportajen: Celcia Magno
Baucau (lifaupress) : Konseleiru Organizasaun Rezistensia Sagrada Familia (ORSF),Lere Anan Timur husu ba lider istoriku sira hotu, atu lebele insulta malu no tenke rezolve no hadia situasaun sira iha rai laran.
Konseleiru Organizasaun Rezistensia Sagrada Familia, Lere Anan Timur hato’o ida – ne’e durante ko’alia ba Kongresu Nasional ORSF iha Zinaziu Baucau, Kinta Feira (27/06/2024) tuku 3:14 loraik OTL.
“ Hakarak demokrasia mais mesak lakoi rezolve situasaun sira no problema sira. Tenki resolve, nune’e juventude sira labele sai atan iha nasaun seluk no labele rai odiu vigansa ba malu, oho malu iha nasaun seluk no mos iha rai laran rasik,” LereAnan reafirma.
Durante ne’e, problema la kampu trabalho halo situasaun la hakmatek. Juventude barak kontinua buka moris iha nasaun seluk no halo violensia iha rai seluk.
Nune’e, lider istoriku sira tenki kaer liman ba malu, tur hamutuk hodi kria unidade, paz,estabilidade no dezenvolvimentu iha rai laran. Hodi hatutan ba jerasaun foun sira, haburas no haforsa rai ne ba oin nafatin.
Lere husu ba membru ORSF sira, “ Labele ta’uk atu husu ba Lider historiku sira, kona-baoinsa situasaun atual rai ne’e no Timor-leste atu ba ne’e loos?”.
Eis Xefe Estadu Maior Jeneral F-FDTL ne’e rekunhese, ema ida idak iha nia istoria rasik,hodi hetan Independensia durante tinan naruk nia laran.
“Istoria mak ema ida nia planu, hodi fanu ita – nia nasionalizmu no patriotizmu, hanoin katak sei relembra fali funu sira. Ha’u sei moris katak tusan boot sei iha ha’u – nia kabas leten. Tanba heroi no martires sira fakar ran, ba rai ida – ne’e. Presiza moris haksolok no iha nafatin unidade iha nasaun ida – ne’e, ” Lere Anan Timur dehan.
Iha parte seluk, Lere mos dehan, “ La’os imi mesak mak luta. Maibe ita hotu – nia luta mak Timor ukun-an. Nune’e, harii ona konfederasaun klandestina, lori hahalok di’ak presiza hamutuk tau hanoin ida de’it, hodi lori Timor ba oin.”
Ba Estadu no Governu Timor-leste, Lere husu atu kondena arte martisiais. Tanba ohin -loron sira oho malu, odiu malu, buka solusaun obrigatoriu.
Kona -ba vizita Amo Papa mai Timor-leste, Lere Anan Timur hateten, “ Uluk Amu Papa Joao Paulo 2 mai, ikus mai ita ukun rasik -an. Agora Amu Papa Francisco sei mai iha fulan Setembru tinan 2024 durante loron tolu. Hafoin nia fila, Timor – leste saida mak sei mosu iha tinan ne’e? Ita iha ona naroman nia laran. Kestaun tempu de’it.”
Nune’e, dala ida tan Lere Anan Timur husu ba lider sira, tau iha klaran
esperansa ba Timor nia di’ak, tenki moris fila – fali. Labele lakon espresansa ba Timor nia ukun – rasik aan. (*)
