Reportagen: Maria Feno/ Selestinho Mani/ Osterlia Muni
DILI (lifaupress) : Diresaun Nasional Empregu (DNE), Carlito Rosario Cabral, Kuarta-Feira (03/06/2024) hato’o relatoriu jeral Munisípiu 13 inklui RAEOA iha salaun Beach Garden Pante Kelap Dili, ba kandidatu ne’ebe rejistu formatu vaga online iha tinan 2023 hamutuk na’in 50.749, maibé tam aba teste eskrita, numeru kandidatu tun-ba na’in 42.642.
Diretor Nasionál Empregu (DNE), Carlito Rosario Cabral hato’o ida-ne’e durante nia diskursu abertura koresaun teste eskrita ba vaga online iha salaun Beach Garden, Pante Kelapa, Dili. “ Kandidatu sira ne’ebe prienxe formulariu iha tinan 2023 atinji ema barak. Maibe, mai fali teste eskrita, númeru menus fali.
Diretor Nasionál Empregu (DNE), Carlito Rosario Cabral
Maske nune’e, SEFOPE mos la hatene razaun husi kandidatu sira ne’ebe la tuir teste eskrita.Antes ne’e, iha enkontru kordenasaun entre ekipa husi Sekretáriu Estadu Formasaun Profisional no Empregu (SEFOPE) hamutuk ho endentidade independente sira hanesan, DIFAT, FPLF, PDHJ no IJ, desidi halo koresaun ba matéria teste eskrita Lian Inglesa, ne’ebé halo iha fulan hirak liu.
Tuir planu, koresaun teste eskrita sei hala’o durante semana ida, hahu Kuarta feira 03/07/2024) to’o Segunda-feira (8/07/2024). Remata koresaun ezame eskrita, sei halo anunsiu.
Ekipa koresaun ne’e nomeia husi kada diresaun iha SEFOPE, hamutuk ema na’in 79. Husi ekipa ne’e, na’in 50 sei foku ba koriji matéria no na’in 25 foku ba hatama dadus.
“Ami fiar ita- boot sira sei serbisu ho imparsialidade. La hare ba família, no maun – alin,maibé hare ba ema hotu hanesan kandidatu ne’ebé sira tuir teste, mesak Timor oan de’it”, nia husu ba ekipa koresaun no hatama dadus sira.
Diretora Unidade legal no peskiza PDHJ, Filomena Dias
Durante prosesu koresaun, SEFOPE mos konvida parseiru sira sai obserbador, ne’ebe akompanha durante prosesu koresaun semana ida. “ Prosesu ne’e rigor tebes. La’ós hanesan balu ko’alia dehan iha Famíliarizmu no partidarizmu. Ne’e lae! Tanba prosesu ne’e ita halo ho transparansia ba ema hotu, ne’ebe tuir prosesu teste iha fulan hirak liu-ba,” nia reafirma tan.
Entretantu Diretora Unidade legal no peskiza PDHJ, Filomena Dias hato’o parabens ba SEFOPE ho nia ekipa, ne’ebé halo esforsu maka’as, loron bele realiza ona koresaun teste eskrita ba vaga online.
“Bá ekipa koresaun sira, ne’ebé mak atu kuriji ba fixa sira – ne’e, tenke ho kualidade. Nune’e aplikante sira mos satisfas”, nia dehan tan. (*)
