Reportajen: Ana Graciana Soares
DILI (lifaupress): Konsellu Nasional Profesores Kontratadu Timor Leste (KNPK-TL) realiza Konferensia imprensa iha Jardin 5 de maio Colmera Dili, 27 juñu 2024 hodi ejiji Ministra Edukasaun, Dulce de Jesus Soares atu ezekuta rezolusaun ne’ebé Parlamentu Nasionál aprova ona numeru 15/2024 de 29 de Maio, iha loron 27 fulan Maiu tinan 2024 ho votus unanimidade no publikadu iha Jornál Repúblika.
Iha Konferensia imprensa, Porta voz Konsellu Nasional Profesores Kontratadu Timor Leste, Agustinho Pinto afirma, eis manorin kontratadu 2023 hahu luta husi fulan Jullu tinan 2023 kona-ba direitu manorin kontratadu sira nian ne’ebé hatur ona iha Dekretu Lei n° 31/2023 de 31 de Maio, no ikus liu Parlamentu Nasionál 6 Lejislatura aprova ona Proposta Rezolusaun.
“Iha loron 27 fulan Maiu tinan 2024 Parlamentu Nasionál aprova ona proposta rezolusaun n° 15/2024 de 29 de Maio, ho votus unanimidade no publika iha Jornál Repúblika iha loron 29 fulan Maiu tinan 2024,” Eis Manorin Kontratadu, Agustinho Pinto informa ba jornalista sira liu husi Konferensia imprensa iha Jardin 5 de maio Colmera Dili 27/06.
Ho nune’e KNPK-TL ejiji ba Ministra Edukasaun hodi ezekuta Rezolusaun Parlamentu Nasionál n 15/2024 de 29 de Maio ne’ebé koresponde ho Artigu 82 Dekretu Lei n° 32/2023 de 31 de Maio,Artigu 90 Dekretu Lei n’ 33/2023 de 31 de Maio no Artigu 79 Dekretu Lei n° 34/2023 de 31deMaio.
KNPK-TL ejiji mós Primeiru Ministru IX Governu Konstitusionál, José Alexandre Kayrala Xanana Gusmão hodi orienta Ministra Edukasaun nune’e bele ezekuta Rezolusaun Parlamentu Nasionál n° 15/2024 de 29 de Maio, ne’ebé aprovadu ho Votus Unanimidade.
Porta voz ne’e dehan, karik Ministra la ezekuta rezolusaun ne’e KNPK-TL sei hato’o karta konhesementu ba parte relevante kona-ba planu asaun ne’ebé sei realiza iha loron 8 Jullu 2024.
“Ministra Edukasaun la konsidera rezolusaun ne’ebé aprova ona, KNPK-TL sei organiza no mobiliza manorin kontratadus tinan 2023 no Reklamantes husi munisipiu 13 hodi lori rasik rezolusaun ne’e ba to’o Ministra nia fatin no ejiji nafatin mak la iha solusaun, iha tempu badak hodi boikota atividade hotu-hotu husi Ministériu Edukasaun iha resintu Ministériu Edukasaun, Vila Verde Dili,”Eis Profesor subliña.
KNPK-TL rekomenda ba Xefe Estafu, Primeiru Ministru IX Governu Konstitusionál, Prezidenti Parlamentu Nasionál 6 Lejislatura, Prezidenti Komisaun G, Xefi Bankada Parlamentar no Ministra Edukasaun hodi toma responsabilidAsunba asuntus manorin Kontratadus tinan 2023 no Reklamante sira ne’ ebé dedika-an ona voluntariamente durante tinan barak ajuda estadu RDTL, Iiu-liu Ministériu Edukasaun liu hosi funsionamentu prosesu ensinu no aprendizajen iha ternaoioná Nasional. (*)
