Reportagen: Osterlia Muni/Florentina Bianco Da Cruz
DILI – (Lifaupress) : Governu Timor-leste liuhusi Sekretaria Estadu Formasaun Profisional no Empregu (SEFPchefe Gabinete (SEFOPE) haruka tan timoroan na’in 54 ba servisu iha Korea du Sul.
Xefe Gabinete SEFOPE, Jacinto Ribeiro Dias ba jornalista sira informa, traballador sira sei arankan ba Korea iha semana ida ne’e. Serimonia despedida hala’o ona iha salaun Timor Lodge, Dili, Kinta -feira (13/06/2025).
Nia esplika, traballador sira ne’e hetan ona viza, ne’ebe haruka mai Timor-leste liuhusi Diresaun Nasiona. Trabalhador sira-ne’e sei sei servisu iha area agrikultura, peskas, no fabrika. “ Oportunidade servisu iha Korea Du Sul maioria tinan ha’at, fulan sanulu,” nia dehan tan.
Ba trabalhador timoroan sira, Xefe Gabinete SEFOPE, Jacinto Ribeiro Dias husu nafatin atu kumpri sistema ne’ebe estabele iha kompanhia no kumpri viza ne’ebe governu rua ne’e desidi ona.
“Ita tenke lori ema ne’ebe ba servisu ho responsabilidade. Tanba Nasaun haruka ba servisu iha rai liur, atu hadia enerjia ekonomia importante iha rai laran no hadia ekonomia nasaun,” nia reafirma.
Alende ne’e, traballador sira labele sai husi Sistema ne’ebe estabelese tiha ona, desde hahu sai husi Timor-leste, durante servisu iha Korea du Sul to’o fila mai Timor-leste . Tanba bainhira sai husi sistema, empregador sira bele foti sai kestaun.
Iha parte seluk, Jacinto Ribeiro Dias hateten, Osan ne’ebe produz husi trabalhador Sira, familia maka sai hanesan karteira ikus ba Orsamentu hirak nee. Nune’e, familia tenke jere ho responsabilidade no planu oinsa mak uza osan ne’e ajuda familia no hadia negosiu ruma atu osan ne’e iha nia sustentabilidade.
Nuno Governu Konstitusional hamosu tan Departamentu entegrasaun jare dadus trabalhador sira ne’ebe fila ona mai Timor, liuliu hela iha munisipiu sira, atu hatene sira-nia progresu Moris.
Entretantu, trabalhador Leonilda Fernandez senti orgullo tebes no hakuak Boot ba familia hotu, Tanba durante ne’e suporta prosesu to’o bee hetan opurtunidade ba servisu iha Korea du Sul.
“Dezafio saida maka hau hasoru iha Korea Do Sul, Hau fiar katak hau sei hakat no hau sei passa dezafiu sira. Espera osan ne’ebe hau hetan iha Rai liur, sei suporta hau nia alin sira bele kontinua sira – Nia estudo. Tanba ami la iha ema Ida, atu ajuda kontinua ami – nia estudo,” nia dehan tan.
Nia mos husu ba feto maluk Timor laran tomak, keta lakon vontade hodi hein oportunidade iha prosesu tuir mai. ” Hein Kontratu ida – ne’e to’o baruk, maibe esforsu aan no mantein nafatin, hodi hein Kontratu iha prosesu tuir mai,” nia dehan.(*)
