Reportagen : Florentina Bianco da Cruz
DILI (lifaupress) : Autoridade Protesaun Civil (APC – sigla Portugés) rejista ema na’in rua lakon vida no uma 22 hetan estragus tanba dezastre naturais, durante loron 9 – 16 Juñu 2025.
Portavoz Xefe Redasaun Cominicasaun apc hatete, Genovene Fernandes Almeida informsa ida – ne’e durante konferensia imprensa, Segunda-feira (16 /6/2025) iha edifisiu APC, Maradoru, Dili.
Entre vitima na’in 2, ida ho naran Epifania Fernandes Pinto, ne’ebe diskunfia tara aan no agora dadaun mate-isin hamutuk ona ho familia iha munisípiu Viqueque. Akontese sira ne’e mosu iha munisípiu Baucau, Ermera, Manufahi, Vikeke no RAEOA.
“ Alemde ne’e iha mos anin sobu 9 no rai halai 1. Husi dezastre sira-ne’e, hetan apoiu emerjensia 16 no numeru ema afetadu na’in 126 no evakua ema na’in 4, ” Epifania esplika tan.
Iha munisipiu Baucau anin sobu uma 5, mate 1, Bobonaro (ahi han uma 1), Ermera (Anin sobu 3, Rai halai 1 no Ahi han uma 1), Manufahi (Bee – sa’e 9), RAEOA (anin sobu 1, bee – sa’e 1) no munisipiu Viqueque Mate 1. “ Ba kazu soe Bebe iha Munisípiu Viqueque, autoridade sira seidauk iha informasaun,” niadehan tan.
Komando APC Munisipiu ho Parseirus Relevante sira, fornese asistensia emerjensia ba família afetadus sira ho ai-han no la’os ai- han food item & Non-food Item.
Komando Operasional Autoridade Protesaun Sivil (APC) Munisipiu sira mos kontinua hala’o levantamentu detaillus kona-ba sasan ne’ebe estragus no lakon.
Kona – ba apoiu material konstrusaun, nia dehan atualmente apoia ona ba munisípiu sira. Ne’ebé mak seidauk fo apoiu vitima sira iha RAEOA no Viqueque. (*)
