Reportagen: Osterlia Muni
DILI (lifaupress) :Vise Ministra Negosiu Estranjeitu Asuntu ASEAN, Milena Rangel hateten, bazeia ba ejijensia, Timor-Leste aselera negosisaun akordu ekonomia balun. Nune’e, presiza hatur kalendariu didi’ak husi Junho to’o fulan Outobru 2025.
Ba jornalista sira iha iha salaun MNEC Pante Kelapa, Dili, Segunda Feira (16/06/2025), hafoin enkontru ida ne’ebe partisipa husi membru Grupu Traballu ida hodi responde Deklarasaun Prezidenti ASEAN ba 2025, liuliu kona-ba Timor-Leste – nia adisaun.
“Enkontru ohin nuudar realizasaun desizaun Governu liuhusi enkontru Konsellu Ministru hafoin fila husi Simeira ASEAN iha Malaysia, Maiu liuba, atu harii Grupu Trabalho ida hodi prepara asuntu tekniku balun ba preparasaun adesaun membru pleno iha Outubru 2025,” Vise Ministra Milena Rangel hateten.
Atu atinju susesu, Milena Rangel hatutan, depende komunikasaun no negosiasaun ho estadu membru sira. Simeira ASEAN liuba iha Kualalumpur Malaysia, estadu membru sira simu Timor – leste nuudar estadu membru pleno ba 11.
Kona-ba pontu rua importante ne’ebe ko’alia iha enkontru ne’e, na dehan, primeiru, atu aselera negosiasaun ba akordu prinsipal sira iha ASEAN, liuliu asegura negosiasaun ba oferta ba akordu atu hala’o atividade komersiu ba sasan no akordu ko’alia kona-ba oferta ba servisu nian.
ASEAN rasik iha padraun ida, nune’e Timor-leste presiza ajusta liuhusi akomula interese Timor-leste no ASEAN.
“Agora relatoriu iha ona ASEAN bazeia bai ta-nia informasaun ne’ebe hato’o ba. Ita-nia planu sira konsidera Timor – leste iha hela dalan to’o tama ba ASEAN. Neste momentu Governu iha planu, maibe atu aselera adesaun ba ASEAN iha fulan Outubru, presiza duni akordu hanesan servisu ho negosiasaun,” Vise Ministra Milena Rangel dehan . (*)
