Reportagem:Marçelo Caitano Colo
OE – CUSSE (lifaupress) : Estudante FaKuldade Diretu, Universidade da Paz (UNPAZ) hala’o peskiza iha Aldeia Nónkikan, Sucu Bobometo, Postu administrativo Oe -Silo Rejiaun Administrativu Espesial Oe-cusse Ambeno (RAEOA), inisiu Junho 2025.
Molok peskiza, estudante sira husu autorizasaun ba Xefe Suku Bobometo, Jose Labi Caet no Xefe Aldeia Nónkikan, Domingos Cono ho lia na’in Nónkikan,Agustinus Kune.
Peskiza husi estudante UNPAZ ne’e foku ba problema sosial ne’ebe akontese iha komunidade aldeia Nonkikan.
Xefe Aldeia Nonkikan, Domingus Cono hateten, durante ne’e mos problema social balun, maibe konsege resolve di’ak ho parte sira ne’ebe involve.
“ Komunidade sira hadau malu Bee-moos, mosu desentendimentu, maibe ikus mai ha’u koopera ho Xefe Suku, Lia nain no komunidade sira, konsege rezolve,” nia esplika.
Problema seluk kona-ba dezentendimemtu entre komunidade ho Katekista Relijiaun Katolika, ne’ebe lori konsekuensia kuaze tinan ida Katekista la iha no la lidera Misa loron Dumingu iha Kapela Sao Tome Apostolu Nónkikan.
“ Maibe ha’u koopere fila – fali ho komunidade sira, ikus mai hili fali Katekista foun hodi prezide atividade relijiu hanesan baibain,” Xefe AldeiaCono esplika .
Entretantu, Xefe suku Bobometo, José Labi Caet mos rekunhese simu keixa kona-ba problema bee-moos. Maibe, hafoin tetu ba problema ne’ebe populasaun sira aprezenta, konsege resolve tiha.
“ Ha’u tetu iha klaran de’it, hafoin ne’e la iha ema ida atu hato’o keixa tan baparte jurídiku sira. Ha’u ko’alia sira tuir no foti desizaun halo akordu husi parte sira ne’ebe komete problema,” Jose Caet esplika.
Liuhusi peskiza ne’e, hasa’e estudante nia kumhesimentu kona-ba problema sosial sira iha komunidade. Nune’e mos komunidade sira hetan kunhesimentu husi estudante fakuldade direitu kona-ba dalan ba justisa. (*)
