Reportajen : Anagracia/Eva
DILI (lifaupress) : Sekretariu Estadu Formasaun Profisional no Empregu liuhusi Diresaun Nasional Empregu no Exterior (DNEE) alerta, Kompanhia sira iha Australia hatur kriteia traballador feto tenke hatene lori kareta no iha karta kundusaun.
Lia hirak ne’e hato’o husi Diretor DNEE, João Correia iha nia diskursu iha ambitu asina deklarasaun no despedida Traballador timoroan na’in 82 (mane 70, feto 12) ba Australia, Segunda-feira (13/5/2024) iha Suai room Timor Plaza Comoro, Dili.
Kriteria ne’e husi empregador atus ida resin iha Australia. Tanba iha kompaña trator no transporte, atu transporta produtu husi to’os ba industria. “ Nune’e, sira nia kriteria ida maka feto tenke hatene lori kareta,” Diretor Joao Correia hateten.
Atu hatan ba kriteria ne’e, SEFOPE iha ona planu atu fo treinamentu ba inan feto sira, ne’ebe naran iha ona sistema,” Diretor Nasional Formasaun Profisional no Empregu, João Correia Pereira dehan. (*)
