Reportajen : Anagracia/ Maria Feno/Eva
Dili (lifaupress): Sekretariu Estadu Formasaun Profisional Empregu (SEFOPE) realiza tan despedida no asina deklarasaun ho trabalhador timoroan na’in 82 atu ba servisu iha Australia.
TRABALLADORES – Traballador timorous ba Australia hamutuk fo familia sira, bainhira partisipa sermonna despedida, Segunda – feira (13/5/2024) ilha Suai Room, Timor Plaza, Dili. Foto dok
Serimonia despedida ne’e hala’o iha Suai Room, Timor Plaza, Comoro, Dili, ba traballador mane 70 no feto 12.
Iha diskursu, Diretor Diresaun Nasional Empregu no Exterior, Jose informa, iha tinan 2010 – 2024, Sefope haruka ona traballador hamutuk 21.000 ba Australia.
“Trabalhador ne’ebe ohin asina deklarasaun ne’e, balun ba ba dala 2, balun dala 6 no 7 ona. Ne’e kompania maka bolu fali sira, tamba durante servisu iha kompanhia sira ne’e, hatudu atetude di’ak, tuir termu servisu iha kompanhia. Timoroan kuaze atus rua resin mak ajensia 100 resin mak sei fiar no fo nafatin servisu Timoroan sira,” Diretor Jose reafirma.
Iha Fatin hanesan, Diretor Jeral SEFOPE, Carlito do Rosario Carvalho hateten, trabalhador sira tenki hatene ko’alia inglesh uitoan, servisu badinas, hateten poupa osan. Nune’e, fila mai timor ajuda familia no kontenti hamutuk ho familia.
“Iha Australia kontinua aprende ema nia lian. Labele lori malu hamanas fali iha rai liur. Hakruk ba imi – nia objetivu hodi kontribui ba ita – rain no halo kontente familia neebe imi hadomi,” DJ dehan Carlito do Rosario Carvalho dehan.
KONTENTI : Traballador Julian espresso nia sentimentu kontenti. Foto: Dok
Iha sorin seluk, Traballador Jenildo Fernandes espresa sentimentu kontente ba oportunidade servisu iha Australia. Nia mos agradese ba Governu TL, liuhusi SEFOPE ne’ebe halo esforsu maka’as hodi haruka Traballador Timoroan ba servisu iha Australia.
“Antes ne’e hau iha duni vontade atu ba servisu iha Australia. Agradese agora ha’u hetan oportunidade, tanba kontratu servisu ba tinan 4 iha kompaña meat feel. Ba Australia la’os servisu iha Timor mak la iha, maibe nu’udar joven ida, buka meius atu bele kontribui ba ita – rain no halo kontente familia liuhusi halo mudansa ba moris,” Jenildo Fernandes dehan.
Nia promote durante servisu iha Asutralia sei hatudu dixiplina, kumpri regra no la ses husi sistema ne’ebe empregador sira hatur, atu garante nia sustentabilidade. (*)
