Reportajen : Angelina Zela
BALIBO (lifaupress) : Sarani sira iha Igreja Balibo, hala’o Viasakra, Sesta (18/4/2025) hahu husi Kruz ki’ik – la’o ain ba iha Igreja ho moto “To’o ona loron, Nia atu husik dadaun raiklaran ne’e”.
Amo Vigario Parokia Balibo, Urbanos hateten, iha selebrasaun Viasakra konvida Sarani sira atu hare Jesus nia terus, no mate iha kruz, nudar sinal salvasaun ba ema hotu.
” Ita rona Evanjellu, ema balu fo liberdade ba Jesus, rona mos ema ida naran Pilatus ko’alia sai liafuan ida dehan, Nia mak ne’e! Hatudu ba imi atu imi hatene los, katak, ha’u la hetan sala ida iha ema ne’e. Ema sira ne’e fo liberdade ba Jesus no ita lablele fo sala ba Pilatus, tanba sira hala’o sira – nia kna’ar no ba iha ema judeu sira. Judeu no Pilatus sira, laiha no salvasaun ita labele hetan. Katak Jesus mate iha Kruz no Ita bele hetan salvasaun,” Amo Vigario Urbanos dehan.
Amo Urbanus mos esplika ba sarani sira, viasakra la signifika selebrasaun Santa remata. “ Ita sei selebra Jesus nia mate no ita selebra ninia moris hias. Pontu importanta tau iha fuan no laran, mak Na’i Jesus terus no mate iha Kruz ba ita – nia salvasaun,” nia dehan tan.
Maromak halo ida-ne’e, tanba Nia hadomi ema hotu. “ Iha buat rua mak sakrifisiu no domin. Alemde ne’e, pasensia no fiar. Tanba domin ba Aman Maromak, haruka nia oan mane mai mundu, atu kasu ema – nia sala, salva mundu,” Amo reafirma tan.
Enkuantu iha Viasakra Sexta-feira Santa ne’e, partisipa maximu husi sarani sira, no hetan seguransa maximu husi eskuteru no THS-THM. (*)
