Reportazenn: Angelina Zela de Jesus
Bobonaro Balibo (Lifaupress.com),Padre Urbanos hateten, loron Domingo Ramos hanesan odamatan ida atu Sarani Katolika Tama ba laran hodi selebra loron Paskua .
” Selebrasaun misa Domingo Ramos, hanesan selebrasaun Liturjia Igreja Krsitaun iha loron Domingo, antes Paskua, ” Amo Urbanus hateten durante Misa Domingo Ramos ne’e iha Suku Leohito, postu administrativo Balibo, munisipiu Bobonaro, Domingo ( 13/04/2025 ).
Padre Urbanos hatete, Domingo Ramos , katak Jesus hakat tama ba iha sidade Jerusalem, lori ksolok no dezenvolvimento mai Ema kriatura hodi Moris ho belun sira no sosiedade familia.
“Liu Rai ne’ebe di’ak, konsege kria estabilidade sosial ida ne’ebe moris nakonu ho domin no dame nu’udar ema ne’ebe uza ninia Forsa no matenek.
Jesus rasik hatudu ninia lideransa uniku no rasionalidade, diferenre tebes iha domin, dame no onestidade”
Tanba ne’e, Igreja Kristaun iha loron Domingo selebra loron Ida ne’ebe sarani sira hanoin hikas Fila fali Jesus Kristus Tama iha sidade Jerusalem antes hedi iha Kruz.
Selebrasaun missa iha Domingos Ramos Tinan ida ne’e, hetan partisipasaun maksimu hosi sarani sira. (*)
