DILI (lifaupress) : Primeiru-Ministru (PM), Kay Rala Xanana Gusmão admira tanba estudante sira maski foin frekuenta kursu fulan rua, maibé konsege toka instrumentu múzika oioin iha Akademia Múzika Dom Alberto Ricardo (AMDAR), Fatumeta.
TOKA MUZIKA : Estudante Akademia Muzika instrumentu, bainhira simu vizita PM Kayrala Xanana Gusmao 6 Fevereiru 2025 iha Fatumeta, Dili. Foto Media GPM
Admirasaun ne’e Primeiru-Ministru espresa bainhira hetan konvite hodi halo asinatura plaka konseitu no instalasaun edifísiu Akademia Múzika, iha salaun AMDAR Fatumeta, kinta (06/02/2025).
“𝐇𝐚’𝐮 𝐚𝐝𝐦𝐢𝐫𝐚 𝐭𝐚𝐧𝐛𝐚 𝐦𝐚𝐬𝐤𝐢 𝐟𝐨𝐢𝐧 𝐚𝐩𝐫𝐞𝐧𝐝𝐞 𝐟𝐮𝐥𝐚𝐧 𝐫𝐮𝐚, 𝐦𝐚𝐢𝐛𝐞́ 𝐞𝐬𝐭𝐮𝐝𝐚𝐧𝐭𝐞 𝐬𝐢𝐫𝐚 𝐤𝐨𝐧𝐬𝐞𝐠𝐞 𝐥𝐞𝐞 𝐧𝐨 𝐭𝐨𝐤𝐚 𝐢𝐧𝐬𝐭𝐫𝐮𝐦𝐞𝐧𝐭𝐮𝐦𝐮́𝐳𝐢𝐤𝐚 𝐨𝐢𝐨𝐢𝐧,” Xanana Gusmão admira.
Xanana Gusmão konsidera músika ne’e direta no indiretamente prezente ona iha ema nia mente (vida) no Timor-Leste ne’ebé hatuur-an mós iha mundu nia leet, iha mós potensialidade ida-ne’e.
Xefe Governu hameno katak, futuru múzika Timor nian iha estudante AMDAR nia talentu atu prodús múzika no telentu atu kanta bá povu ida-ne’e.
Nune’e, iha Akdemia ne’e estudante sira sei aprende kona-bá múzika klásika ho siénsia, no husu atu prodús múzika ne’ebé ko’alia kona-bá beleza Timor no múzika ne’ebé ko’alia kona-bá espíritu povu Timor nian.
Ikus liu, hato’o parabéns no susesu liu-tán bá Padre sira maski iha difikuldade oioin, maibé brani no konsege realiza realidade ida-ne’e liu-hosi prepara kondisaun hanesan infraestrutura no sleuk tán.
Realidade ida-ne’e lori esperansa bá maestro sira, bá dierasaun sira akademia nian no estudante sira ne’ebé mai aprende iha-ne’e.
ha fatin hanesan, diretór AMDAR, Padre Domingos Alves da Costa hateten, Akademia múzika ne’e simu estudante la haree bá idade maibé tenke akaba ona kursu eskola Pré-Sekundáriu atu bele aprende múzika bázika.
“𝐀𝐦𝐢 𝐬𝐢𝐦𝐮 𝐞𝐬𝐭𝐮𝐝𝐚𝐧𝐭𝐞 𝐥𝐚 𝐡𝐚𝐫𝐞𝐞 𝐛𝐚́ 𝐢𝐝𝐚𝐝𝐞, 𝐛𝐚𝐬𝐭𝐚 𝐧𝐢𝐚 𝐦𝐚𝐢 𝐡𝐨 𝐝𝐢𝐩𝐥𝐨𝐦𝐚 𝐏𝐫𝐞́-𝐒𝐞𝐤𝐮𝐧𝐝𝐚́𝐫𝐢𝐮. 𝐍𝐢𝐚 𝐛𝐞𝐥𝐞 𝐦𝐚𝐢 𝐚𝐩𝐫𝐞𝐧𝐝𝐞 𝐭𝐨𝐤𝐚, 𝐥𝐞𝐞 𝐧𝐨 𝐤𝐚𝐧𝐭𝐚 𝐦𝐮́𝐳𝐢𝐤𝐚 𝐢𝐡𝐚-𝐧𝐞’𝐞. 𝐈𝐡𝐚-𝐧𝐞’𝐞 𝐚𝐩𝐫𝐞𝐧𝐝𝐞 𝐤𝐨𝐧𝐚-𝐛𝐚́ 𝐦𝐮́𝐳𝐢𝐤𝐚 𝐤𝐥𝐚́𝐬𝐢𝐤𝐚 𝐡𝐚𝐧𝐞𝐬𝐚𝐧 𝐦𝐮́𝐳𝐢𝐤𝐚 𝐧𝐞’𝐞𝐛𝐞́ 𝐛𝐞𝐥𝐞 𝐤𝐨𝐦𝐩𝐞𝐭𝐞𝐡𝐨 𝐞𝐦𝐚 𝐡𝐨𝐬𝐢 𝐧𝐚𝐬𝐚𝐮𝐧 𝐬𝐞𝐥𝐮𝐤. 𝐈𝐡𝐚-𝐧𝐞’𝐞 𝐞𝐬𝐭𝐮𝐝𝐚𝐧𝐭𝐞 𝐬𝐢𝐫𝐚 𝐟𝐨𝐢𝐧 𝐚𝐩𝐫𝐞𝐧𝐝𝐞 𝐟𝐮𝐥𝐚𝐧 𝐫𝐮𝐚, 𝐦𝐚𝐢𝐛𝐞́ 𝐬𝐢𝐫𝐚 𝐛𝐞𝐥𝐞 𝐥𝐞𝐞, 𝐤𝐚𝐧𝐭𝐚 𝐧𝐨 𝐭𝐨𝐤𝐚𝐢𝐬𝐧𝐭𝐫𝐮𝐦𝐞𝐧𝐭𝐮 𝐦𝐮́𝐳𝐢𝐤𝐚,” Padre Alves hateten.
Kursu iha AMDAR ho durasaun tinan tolu bele hetan sertifikadu kursu báziku ne‘ebé kada fulan selu $30 no kona-bá instrmentu maioria sosa hosi Indonézia ho Portugal.
Tanba ne’e, iha okaziaun ne’e estrutura hato’o ona pedidu bá Primeiru-Ministru ne’ebé hatan kedan atu fó apoiu hodi kompleta liu-tán instrumentu sira ne’ebé seidauk iha.
Tinan ida ne’e AMDAR iha ona estudante na’in 60-resin no professór sira na’in 17 maioria Timoroan, ne’ebé balun frekuenta kursu iha Indonézia, Austrália no Filipina.
Diretór esplika kona-bá asinatura plaka ne’e, tanba Primeiru-Ministru mak fó apoiu bá instalasaun Akademia Múzika ne’e, hanesan konstrusaun edifísiu desde tinan 2016 ho orsamentu mai-hosi Gabinete Sosiedade Sivil iha Primeiru-Ministru nia okos, ne’ebé konklui ona kontrusaun infraestrutura ho orsamentu millaun $1,6-resin.
“𝐓𝐚𝐧𝐛𝐚 𝐧𝐞’𝐞 𝐦𝐚𝐤 𝐚𝐦𝐢 𝐤𝐨𝐧𝐯𝐢𝐝𝐚 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨 𝐚𝐭𝐮 𝐦𝐚𝐢 𝐚𝐬𝐢𝐧𝐚 𝐩𝐥𝐚𝐤𝐚 𝐡𝐚𝐧𝐞𝐬𝐚𝐧𝐚𝐠𝐫𝐚𝐝𝐞𝐬𝐢𝐦𝐞𝐧𝐭𝐮 𝐢𝐝𝐚 𝐭𝐚𝐧𝐛𝐚 𝐧𝐢𝐚 𝐫𝐚𝐬𝐢𝐤 𝐦𝐚𝐤 𝐟𝐨́ 𝐚𝐩𝐨𝐢𝐮,” Padre Alves agradese.
Padre Alves konsidera Kay Rala Xanana Gusmão hanesan ema artístiku ne’ebé gosta tebtebes múzika, tanba ne’e mak fó apoiu tomak bá Akademia Múzika, no desde tinan 2002 hamutuk ho matebian Dom Alberto Ricardo da Silva ho Maestro Simão Barreto, sira mak planeia kedan iha momentu ne’ebé hodi halo konseitu atu loke Akademia Múzika ne’e.
Akademia Múzika ne’e tau naran Akademia Dom Alberto Ricardo da Silva tanba nia mak hanesan promotór bá estabelesimentu no oras-ne’e daudaun AMDAR hanesan propriedade Conferência Episcopal Timorense (CET).
Tanba ne’e, alende Governu apoia, iha mós apoiu hosi Bispu sira liu-hosi CET hodi sosa instrumentu no seluk tán.
FOTO HAMUTUK : Primeiru Ministru, Kay Rala Xanana Gusmao (tara tais) foto hamutuk ho estudante Akademia Muzika, hafoin vizita, 6 Fevereiru 2025. Foto Media GPM
Akademia Múzika Dom Alberto Ricardo nia fatin iha Avenida Manleuana, Fatumeta, Dili, Timor-Leste, mai ho vizaun hanesan eskola formasaun estruturada iha arte no estétika muzikál bá sosiedade, ho koñesimentu báziku no espesífiku hodi bele kompete, iha área múzika sekulár no mós iha área múzika litúrjika, bazeada iha fé no razaun, atu servisu bá Nasaun no Igreja.
AMDAR mós iha ninia misaun atu oferese formasaun kualifikada ida iha arte muzikál, iha kampu sekulár no iha liturjiku, liu-hosi estudu báziku, teóriku no prátiku.
Atu oferese formasaun kualifikada ida iha armonia, iha rejênsia no iha atuasaun sira hanesan, prátika orkestra no kantu korál.
Alende ne’e, misaun ida mós atu dezenvolve kapasidade arte muzikál alunu sira nian, iha órdem ensinu susessivu entre indivídu interessadu sira seluk, atu servi Nasaun no Igreja.
Durante serimónia, estudante sira aprezenta múzika oioin bá Primeiru-Ministru ho toka instrumentu oioin hanesan viola, piano, violinu, ukulele, clarinete, saxofón no seluk tán. (Media GPM)
