Reportajen: Marçelo C Colo/ Serefino Simão Quelo/João Oqui.
Oé – Cusse (Lifaupres): Eleitor 605 iha Suku Cuatete, Sub Rejiaun Pante Makasar, partisipa eleisaun Suku segundu ronde iha loron 10 Fevereiru 2025. Eleisaun Primeiru ronde iha loron 25 Janeiru 2025 liu ba.
Suku Cuatete, nudar suku foun ho nia ho Aldeia Mahata, husi Sub Rejiaun Pante Makasar. Antes ne’e, suku Cuatete sai teritoriu Suku Costa. Iha eliesaun segundu ronde ne;e, kandidatu rua mak compete, kompostu husi Benjemin Bana no Jose Antonio Bana.
Tuir Diretur CNE RAEOA, Tomás Oqui Meta, Nono Governu iha politika estabelesimentu Suku no Aldia foun atu nune bele kompleta Atministrasaun suku. Alemde Suku Cuatete, loke mos suku foun iha ho naran Suku Mone Meco. Nune’e, total suku iha RAEOA husi 18, sa’e ba suku 20.
Atu eleisaun suku segundu ronde la’o di’ak, CNE RAEOA mobiliza ekipa tula vuletin de votus ba fat9n votasaun sira iha Suku Cuatete, maske hasoru situsan natureiza udan no dalan kotu. “ Maske ekipa CNE balun la’o ain atu hadia Estrada, ikus mai konsege konduz tarsporte to’o fatin Elisaun ho di’ak,” Tomas Oqui dehan.
Entretantu, Xefi Aldiea Mahata,. Febroania Colo hateten, populasaun hotu kontenti tamba sai ona suku foun ho aldeia foun. Ha’u sente ne’e oportunidade di’ak, tanba liuhusi suku foun, bele hamenus servisu. Durante eleitu tinan ida, sente servisu todan tamba problema distansia entre Aldeia no sede suku.
KadidatuXefi Suku, Benjemin Bana promote, bainhira eleitu ba Xefe Suku Cuatete, sei hare Governu nia planu Governu, mak servisu maka’as hodi hasai komunidade husi ki’ak no Mukit.
” Hasa’e produtu lokal no hadia estrada nia kondisaun, sai prioridade hodi fasilta populasaun sira hetan asesu ba merkadu atu fa’an produtu local,” nia dehan tan.
Kandidatu Xefi Suku seluk, Jose Antonio Bana, kompromete, bainhira ba Xefi Suku Cuatete, sei servisu no servi komunidade hotu, diskrimisaun,” nia dehan tan.
“ Ha’u sei halo baze de dadus ba total populasaun, uma kain, ema ho difisensia, potensia terseira idade feto no mane.
Tuir observasaun jornalista www.lifaupress.com, situasaun eleisaun segundu ronde la’o seguru no di’ak, observa Direta husi Diretur CNE , Tomás Oqui Meta ho nia estrutura, membru PNTL no Autoridade lokal sira seluk. (*)
