Reportajen : Jacinta Mendes Goncalves/ Elizaria Noronha
Dili (lifaupress) : Estudante Universidade Timor Oriental (UNITAL) Dili, hamutuk na’in 538 hala’o juramentu atu ba estagiu iha Ospital Referal ka Klinika sira, hodi aumenta tan sira – nia konesimentu.
Serimonia ne’e realiza iha salaun Delta Nova, Dili, Kinta feira (23/01/2025) tuku 9:30 – 12: 15 (OTL), lidera direta husi Retor UNITAL, Claudino Ninas Navais.
Iha diskursu, Retor UNITAL, Claudino Ninas Navais hateten, juramentu nuudar etapa foun no importante ba estudu Camping day iha pozisaun profesional, sai parte husi profesionalizmu .
“ Xapeo ne’ebe uza, nuudar faze importante iha Ensino Superior, liuliu Fakuldade Saude, Siensia saude, Departamentu Enfarmajen,” nia dehan.
Tuir Retor Claudino, numeru estudante UNITAL, barakliu iha Fakuldade Siensia Saude ne’ebe atinji na’in 2,000, kompara ho fakuldade sira seluk ne’ebe entre na’in 200 to’o 500.
” Ita iha instrusaun ba novu anu ka Ano letivu 20225, numeru estudante barak hakarak tama ba Fakuldade Saude, Siensia da saude nian. Ne’e nuudar evoluasaun ida pozitivu,” Retor hateten.
Ba Inan – aman no sira ne’ebe rena Sekundariu, komesa hare ba area ka dixiplina siensia ida – ne’ebe iha futuru prosperioridade di’ak ba imi no ba familia.
Fabiano R. Da Costa, estudante UNITAL senti orgullu ho serimonia ne’e. “ Husi etapa ida – ne’e, ami hahu servisu no kna’ar profisional . Ho juramentu ne’e, ami bele halo ami – nia estajiu iha Ospital Referal bele hala’o knar ho rigor, rai segredu loloos,” Fabiano hateten.
Tinan ida-ne’e, UNITAL haruka estudante sira estajiu iha Baukau, Maubisse(AInaro), Bobonaro durante fulan 2 hahu Fevreiru.
“ Husu ba kolega estajiariu sira, atu dixiplina no hatene rai segredu profisaun. Tanba juramentu la’os entre ami de’it, maibe iha kedas estruturu universidade nia oin no senior sira mos,” Fabiano hateten.
Entretantu, Edelvino dos Santos Babo, husi Komisaun Organizadora, esplika,keeping day nuudar atividade importante iha area infarmagem semester 6, hodi prepara ba fatin estajiu sira.
“ Estudante sira sei implementa teoria ne’ebe aprende ona hahu semester 1 – 6. Liuhusi atividade ne’e, konese kle’an diakliu tan profisaun enfermeiru, kesi metin ami – nia profisaun ho Ami – nia Mahein, fiar aan bainhira hala’o estajiu,” nia dehan tan.
Iha parte seluk, Sisto Alves dos Santos, nuudar Senado Fakuldade agradese ba keeping day tinan 2025 ba dala 9. “ Ha’u espera ba futuru halo di’ak liutan. No mos espera obra durante estajiu hetan nafatin Bensaun husi Maromak,” nia dehan.
“ Maromak se’i fo bensaun ba ami, atu bele kura pasiente siraho di’ak no ami mos bele hetan susesu susesu iha futuru,” Sisto hateten. (*)
