Reportajen : Jacinta Mendes Goncalves
DILI ( lifaupress) : Konsellu Imprensa nuudar orgaun Regulador Orgaun Komunikasaun Sosial no Jornalista, kontinua dezenvolve kooperasaun ho insituisaun relevante sira, hodi asegura dezemvolvimentu meius komunikasaun sosial no kualidade jornalizmu iha teritoriu laran.
FOTO HAMUTUK : Prezidenti Konsellu Imprensa, Otelio Ote no Prezidenti ANC, Flavio Cardoso kXimenes foto hamutuk ho membru Konsellu Impresa, Ezekutivu KI no Diretor sira ANC hafoin asina MOU iha Salaun KI, Marcarinhas, Dili. Foto LP/Yntha
Iha liderana Otelio Ote, hatudu progresu signifikativu hodi dignifika Timor-leste nia performa Liberdade opiniayn, espresaun no Liberdade imprensa iha mundu.
Atu asegura tulizasaun espasu publika, espesial ba Radiudifuzaun, Konsellu Imprensa selebra asintaura Memorandum of Understanding (Nota intendimentu) ho Autoridade Nasional Komunikasaun (ANC), IP iha Dili, Kuarta feira (22/01/2025) semana ikus fulan Janieru.
Iha serimonia ne’ebe hahu tuku 09:30 – 12 :30 ne’e, Konsellu Imprensa reprezenta husi Prezidenti Konsellu Imprensa, Otelio Ote no Autoridade Nasional Komunikasaun reprezenta husi Prezidenti ANC, Flavio Cardoso Ximenes, asisti direta husi membru Konsellu Imprensa, Konsellera Isabel Guterres, Diretor Ezekutivu KI, Antonio Diaz no director sira husi ANC.
Iha nia intervensaun, Diretor Ezekutivu Konsellu Imprensa, Antonio Diashateten, Konsellu Imprensa ho ia kompetensia tomak, bazeia ba lei, ne’ebe konsenyra ba regulasaun dezenvolvimentu seitor komunikasaun sosial iha Timor Leste, kontinua buka atu esplora oportunidade, atu koopera hamutuk ho insituisaun relevante sira. KI no ANC nia kompetensia ida-idak, kontribui ba liberdade imprensa no liberdade espresaun.
“Uza oportunidade Ida-ne’e KI asina Nota intendimentu ida ho ANC, nudar akontesimentu istoriku ida, hodi hamutuk tau-matan ba regulasaun meius komunikasaun social, espesialmente ba Radoi no Televizaun,” nia dehan.
Eis jornalista RTTL ne’e, hein katak jornalista sira adapta aan iha dinamika ne’e, liuliu adapta aan iha teknolojia moderna area komunikasaun, hodi eleva kualidade informasaun ba publiku,
Entretantu Prezidenti ANC, Flavio Cardoso Ximenes hateten, pasu ne’e importante tebes ba liberdade imprensa no kualidade publikasaun sira iha midia eletronika.
“ Asinatura Nota entendimentu Ida – ne’e hanesan inisiu Ida, atu bele halo servisu di’akliutan ba futuru. “Governu Timor Leste desde UNTAET nia tempu atribui ona espektrum ba radiu no televizaun sira ne’ebe ezisti iha Timor-leste,” Flavio Cardoso Ximenes dehan.
Flavio Cardoso Ximenes mos reafirma, kualker memorandu nota entendimentu, produz atu fasilita no la’os atu impede Liberdade imprensa.
Alemde ho ANC, Konsellu Imprensa mos asina ona MOU ho Ministeriu publiku no Polisia Nasiona Timor-leste. Tanba ne’e, ho fiar aan, Prezidenti Konsellu Imprensa, Otelio Ote louva Instituisaun rua ne’e tanba iha kumrpimisiu atu kontribui hametin Liberdade imprensa iha Tmor-leste.
Relasiona ho MOU ho ANC, Otelio Ote dehan, importante tebes atu hametin tan servisu verifikasaun ba meius komunikasaun eletronika sira, liu relasiona ho frekuensia Radiu no Televizaun.
Nune’e, iha futuru instituisaun rua ne’e iha koordenasaun diak’liu, bainhira iha pedidu rejistu meius komunikasaun eletronika, relasiona lisensa frekuensia.
“ Importante instituisaun rua ne’e mak atu asegura liberdsade imprensa, asesu informasaun no kualidade informasaun ba publiku, “ Otelio dehan.
Jornalista senior ne’ebe lakleur tan remata nia mandate iha Konsellu Imprensa, husu ba ezekutivu sira iha Konsellu Imprensa atu seriu implementa akordu sira ne’ebe asina tia ona.
“ Husu atu lee didi’ak testu sira, interpreta loloos no hare mos realidade pratika iha rai laran, kona-ba ezistensia midia no servisu jornalistiku. Nune’e la mosu diskriminasaun ba midia sira no mos ba jrnalista sira,” nia dehan.
Iha akaziaun ne’e, nia mos hato’o despedida ba komunidade midia, hahu husi midia na’in, jestor, jornalista sira no kolaborador hotu, tanba sei hases aan ona husi Konsellu Imprensa iha fulan Fevereiru ou Marsu nia laran, hafoin ekipa Konsellu Imprensa foun hahu sira-nia mandate ba priudu 2025 – 2029.
Tuir Informasaun, iha tempu badak Konsellu Imprensa sei selebra tan asina Memorandum of Understanding ida ho SERVER Timor-leste. (*)
