Reportajen : Sandra
BAUCAU (lifaupress) : Komandu PNTL munisipiu Baucau, rejista kazu krime 425 durante tinan 2024. Kompara ho tinan 2023 ho total 447, numeru krimi ne’e tun.
Komandante PNTL munisipiu Baucau Interinu, Superintendente Polisia João Sancho Pires ba jornalista sira, iha fulan Janeiru nia rohan esplika, dadus numeru krime ne’e rejista iha seksaun investigasaun kriminal Komandan Polisia Baucau.
“ Kazu sira ne’e maihusi kategorai ofensas integridade simples, violensia domestika no kazu krime seluk,” Superintendente Polisia João Sancho Pires informa.
Kona-ba kazu kirme tun, tanba sidadaun barak iha ona koñesementu kona – ba lei krime, durante sosializasaun husi lider komunitariu no autoridade seguransa.
” Komunidade balun mos hatene ona oinsa prevene krime, impaktu husi krimi ne’e la diak ba ema, no hasoru rosesu legal ne’ebe prejudika dalan ba future ne’ebe di’akliu.
“ Se ita halo hela problema ruma, ita sei ba hasoru hela polisia registu iha polisia, registu mos iha ministeriu publiku. Se alin sira envolve an iha krime ruma, ba oin ne’e taka dalan ba sira – nia an, tamba sei sira partisipa teste ruma, sira presiza hetan deklarasaun boa komportamentu husi Polisia. Sei sira-nia naran rejistu involve kazu krimi, susar atu hetan deklarasaun ne’e, “ Superintendente Polisia João Sancho Pires esplika tan.
Atu hametin liutan konsiensia husi populasaun sira kona-ba prevene krimi, Polisia mos halo patrolla no hamutuk ho autoroidade sira vizita suku sira.
Alende ne’e, iha mos enkontru komunitario iha suku, enkontru iha eskola sira nososializasaun iha eskola.
Tuir Komandante interinu, krime ladiak tanba estraga ema umanu no taka dalan ba investor sira atu investe ka hala’o negosiu iha munsipiu Baucau.
Nia husu ba Inan – aman sira, atu kontrola oan sira ho rigor, para labele involve krimi no taka dalan ba sira-nia future. Atualmente, situasaun geral iha munisipiu dadaun ne’e lao kontroladu. (*)
