Reportajen : Senhorina Pereira Ximenes
DILI – (lifaupress) : Timoroan na’in 600 resin partisipa kursu dalen Portuges no Inglesh iha Aula Formasaun Comite Central Fretilin (CCF) Comoro, Dili, hodi aumenta abilidade ko’alia no hakerek lingua Nasional no traballu ne’e.
Kursu ne’e sei hahú iha dia 07 Jullu 2025. Emtretantu abertura ba rejistu, lidera direta husi Sekretáriu Jeral Juventude FRETILIN, Abrão Saldanha Nokosiku, Sábadu, (28/06/2025) iha CCF, Comoro, Dili.
Kordenadora ba kursu English no Portugues, Octaviana Fernandes Soares bawww.lifaupress.com esplika, estudante foun sira rejistu ba kursu dalen Portuges no Inglesh periodu daruak.
“Estudante foun sira ne’e fahe ba kursu English hamutuk na’in 431 no Kursu Portugues na’in 189, ” Octaviana Fernandes Soares dehan, iha sede CCF, Sabadu (28/06/2025).
Kursu dalen Portuges no Inglesh hahú ona iha tinan 2019 ho gratuita. “ Se de’it mak hakarak tuir kursu iha CCF, bele mai de’it ,” Octaviana dehan.
Ba tinan ida -ne’e, klase Inglesh halo ona ba periodu 14 no Portugues ba periodu daruak. (*)
