Reportagen: Osterlia Muni
DILI (Lifaupress): Timor-lese ofisialmente lansa kampanhe nasional “ Dalan Ba ASEAN “ , Kinta – feira (14/03/2025), hodi sensabiliza organizasaun rejional ne’e ba povu Timor-leste no mos sosializa Timor-leste nia adesaun tinan 2025 ne’e.
Atividade lansamentu ofisial Kampanhe Nasional “ Dalan ba ASEAN “ ne’ebe hala’o husi husi Vise Primeiru Ministru Francisco Kalbuady ne’e, hetan suporta husi Uniaun Europeia.
Marka prezensa iha serimonia ne’e, Ministru Negosiu Estrajeiru no Kooperasaun, Bendito Freitas, Vise Ministra asuntu ASEAN, Milena Rangel, membru Givernu balun, Ambasador husi nasaun belun sira no konvidadu sira seluk.
Vise Primeiru Ministru Francisco Kalbuadyiha nia diskursu hateten, Timor-leste iha ona odomatan atu tam aba Organizasaun Rejional Sudeste Aziatiku, ASEAN.
“ Maske nasaun ki’ik ho populasaun uitoan, Timor-leste, nafatin ho kumprimisiu boot no hakarak atu adere ba organizasaun internasional, espesial Sudeste Aziatiku, hodi hametin relasaun amizade no paz,” Klabuady, atual Ministru Koordenadór Asuntus Ekonómikus no Ministru Turizmu no Ambiente dehan tan.
Dede Tinan 2011, hatama nia peidudu ofisial ba ASEAN hodi prepara sai membru pleno ASEAN. No iha tinan 2022 liuba, nasaun membru sira liuhusi enkontru iha Kambodia desidi ona atu simu tama ASEAN, maibe husu Timor-leste atu prienxe pilar sira ne’ebe sai kriteria atu adere ba ASEAN.
Ministru Negosios Estranjeiru no Kooperasaun, Benedito dos Santos Freitas iha nia diskursu hateten, lansamentu kampania sensibilizasaun “ Dalan ba ASEAN “, nuudar asuntu importante tebes ba Politika Nasional Timor – Leste no aspirasaun atu sai familia boot iha rejiaun ne’e.
“Estadu membru ASEAN sira fo apoiu ba Timor – leste. Ita – nia esperansa, Xefe Governu Sira ho ita – nia Xefe Estadu maximu Ita preparadus ba 2025 Ita sai ona odamantan boot atu Entrada memebro plenu ba Asean.
“Ida ne’e preparativus ba ita – hotu. Malaysia ne’ebe oras-ne’e prezidi ASEAN fo apoiu maximu ba adesaun Timor – leste,” Minisru Benedito dehan tan.
Lansamentu Kampanye “ Dalan ba ASEAN” mos koopera hamutuk ho Ministeriu Administrasaun Estatal (MAE), ne’ebe liderera husi Ministru Thomas Cabral.
Durante kampanye dalan ba ASEAN, ekipa konjunta sei halo sosializasaun to’o munisipiu sira. “ Ita sei hasoru Prezidenti Autoridade sira ho nia estrutura toma, no os komunidade sira, atu hateten konaba ADEAN no intende adesaun Timor-leste ba ASEAN,” Ministru Benedito Freitas esplika ba jornalista sira, hafoin lansamentu.
Maske nuene’e, Vise Primeiru Ministru, Kalbuadi reafirma, proseu adeasaun ba ASEAN la’o susesu tanba kooperasaun interministerial efetivu no susesu tebes.
Partisipa mos iha serimonia lansamentu ne’e, Ministru Komérsiu no Indústria (MCI), Ministra Edukasaun, Ministru Transportes no Komunikasaun (MTK), Vise-Ministru Komérsiu no Indústria, Sekretária Estadu Komunikasaun Sosiál, Sekretáriu Estadu Florestas, no reprezentante UNDP. (*)
