Reportagen Jacinta Mendes Gonçalves/Elizaria Noronha
Díli (lifaupress) : Prezidenti Republika, Jose Ramos Horta hateten, Klinika Prezidensial ne’ebe foin ezisti, atu fo atendimentu tratamentu saude ba funsiunariu Prezidensial no membru familia sira.
“ Klinika presidensial ne’e, hanesan iha raí barak , ne’ebe serbisu mediku fo apoiu ba funcionáriu sira hotu no mós família funcionáriu. Bele mos atende sira ne’ebe presiza inklui atu kura matan, la problema,” Prezidenti José Ramos Horta koa’lia ba jornalista sira, hafoin enkontru seminal ho Primeiru Ministru, Kayrala Xanana Gusmão, Kinta feira (13/03/2025).
Premiadu Novel da Paz ne’e informa, klinika prezidensial iha ekipamentu modernu,ne’ebe bele sai exemplu iha raí ne’e.
“ Apoiu tekniku, klaru hotu – hotu mai husi Ministeiru Saúde. Nune’e, bele hare ekipamentu no aimoruk ne’ebe presiza ba primeira nesesidade,” Prezidenti Horta dehan tan.
Atualmente, iha ona doutor na’in 2, enfermeira na’in 2. “ La hatene tan, se tan mak serbisu iha ne’e. Importante mak fo atendimentu ba funsiunariu lorloron ne’ebe karik derepenti hetan moras ruma, no familia sira ,” Prezidenti Ramos Horta dehan tan.
Nia fo ezemplu, bainhira vizita Indonésia, tranzitu hela iha ótel ambulânsia ida iha liur no ba ne’ebe deit ambulânsia ida tenki tuir hodi halo atendimentu saude. (*)
