Reportagen : Osterlia Muni
DILI (Lifaupress): Komadante Jerál Polísia Nasionál Timor-Leste (PNTL), Komisariu Jerál (Komjer) Polisia, Henrique da Costa, hateten, situasaun seguransa iha teritoriu laran tomak, la’o di’ak no hakmatek. Tanba Komandu Munisipiu, Komandu Unidade no Departamentu sira hotu, hala’o sira-nia kna’ar ho diak.
“Durante Janeiru no Fevereiru rejista kazu hamutuk atus hitu ualu nulu resin haat (784). Maibe, ita – nia membru sira buka nafatin oinsa bele prevene krime iha fulan hirak tuir mai, no future, ” Komadante Jerál Polísia Nasionál Timor-Leste (PNTL), Komisariu Jerál Polisia, Henrique da Costa inform ida-ne’e ba jornalista sira iha Kuartel Jerál PNTL, Kaikoli Dili, Segunda (10/02/2025.)
Maske nune’e, Komjer Pol. Henrique rekunhese iha mos akontesimentu buat balun, maibe la lori impaktu ba situasaun seguransa jeral ka prejudika populasaun no PNTL – nia servisu.
Nia esplika, krime ne’ebé akontese maioria kirme ofensa integridade fizika, ne’ebé rejista iha munisípiu sira hotu. Kazu segunda mak violasaun domestika ne’ebé rejista aas iha munisípiu hotu.
Ba asidente trafegu, durante fulan Janeiru no Fevereiru rejista asidente 333 . Husi asidente ne’e, ema na’in 14 lakon vida, balun kanek kaman no iha na’in 6) mak kanek todan.
Entretantu kona-ba total osan koima, nia dehan durante Janeiru no Fevereiru, Servisu Tranzitu seguransa Rodaviaria rekolla koimas tranzitu mautuk dolar amerikanu $ 130.890 (Rihun atus ida tolunulu, atus walu sianulu.
Nune’e mos Unidade Patrollamentu Fronteira, liuhusi servisu fronteira rekolla osan taxa $ 34.000 (Rihun tolunulu resin haat) . Nune’e, sura hamutuk ho servisu Tranzitu, osan ne’ebé hatama ba kofre estadu hamutuk osan dolar maerikanu $ 165.024 (Rihun atusida neennulu resin lima, ruanulu resin haat).
“Ita akompana mos situasaun iha fronteira, servisu patrollamentu fronteira no Komandu Munisípiu sira sempre halo atividade prevensaun. Maske krime kontra bandu aumenta, Polisia buka nafatin meius prevensaun, liuhusi patrollamentu atu prevene provokasaun iha area fronteira. Ita – nia membru koloka iha fatin ne’eba, servisu ho di’ak tebes liu-liu maneira komunikasaun hodi evita problema aas iha liña fronteira,” ninian.
Alemde iha Terrestre, Komjer Pol Henriqye da Costa dehan tan, Unidade Patrollamentu Maritima (UPM) halo medida prevensaun liu-husi patrollamentu tasi. “ Semana kotuk, konsege prende Ró lori material kontra bandu. Sira kaptura no lori ba Komandu Polisia munisípiu Bobonaro hodi halo prosesu. Asaun prende sasan kontrabandu mos halo iha Komandu Polisia munisípiu Likisa, Ermera no Dili,” nia dehan.
Komjer Pol, mos halo ona vizita ba munsipiu sira hodi hodi haree progresu servisu no dezafiu ne’ebe infrenta. Husi vizita ne’e, deteta problema fardamentu, transporte no fasilidade servisu. “ Maibé nee la sai bareira ba membru Polisia sira, atu e halao sira – nia servisu,” nia reafirma
Entretantu, ba polisiamentu Komunitariu ne’ebé utiliza motor hodi hala’o knar iha tempu naruk, presiza halo lelaun hodi nunee pesoal hirak ne’ebé utiliza motor refere, hetan benefisia ba ida – ne’e. (*)
