Reportagen : Jacinta Mendes Gonçalves/ Elizaria Noronha
Díli (lifaupress) : Lider RAYLA Timor-leste, Octavio da Silva Monteiroho ekipa, hasoru malu ho Prezdenti Republika, Jose Ramos Horta iha Palasiu Prezidensia aitarak-laran, Bairopite, Dili, hodi informa kona-ba progresu, dezafiu no opurtunidade sira iha future.
Iha ekontru Sesta feira (07/03/2025) husituku 10:00 – 12: 30 oras Timor leste, RAYLA-TL atualiza informasaun kona-ba membru atual atinji ema 500, servisu voluntariamente durante tinan 16, hodi prepara lider Timoroan sira, ukun” povu no nasaun ho di’ak .
“ Ami senti previleiju boot ida, tanba Na’i Prezidente Republika bele fo tempu hodi hasoru ami. Ami rekompensa iha tinan 2025, Prezidente mos bele ba sai ami – nia aman importante ida hamutuk ho ami – nia lideransa foinsa’e,” Octavio da Silva Monteiro ko’alia ba jornalista sira hafoin enkontru ne’e.
RAYLA -TL mos agradese ba prezidente ne’ebe hato’o kumpimisiu atukontinua apoiu inisiativu husi joven sira hotu, ne’ebe serbisu maka’as ba raí ne’e. Tanba importante tebes, atu juventude sira apoiu Governu.
RAYLA-TL kompremete kontinua mantein kontatu permanente ho insttituisaun Governu no lider nasional sira, atu bele fo apoiu ba RAYLA-TL.
Durante ezistensia, Octavio da Silva Monteiro esplika, RYLA-TL hala’o atividade formasaun lideransa, servisu hamutuk komunidade fahe informasaun ba joventude sira, vizita eskola, fo apoiu umanitaria ba ema kbi’it laek sira – ne’ebe presiza tulun.
Iha tinan 2020, bainhira Covid 19 invade Timor-leste, RAYLA hamosu inisiativa lori sasan ba sira ne’ebe mak hela iha Kós, tanba labele sai husi Díli, tamba menus aihan.
RAYLA kontinua hala’o programa estajia profisional, hodi opurtunidade ba membru RAYLA – TL hasa’e sira – nia kunhesimentu serbisu profisional.
Atualmente halo hela parseiru ho NGO nasional, internasional inklui mos instituisaun Governu, hodi fo opurtundade ba embru aprende durantefulan 6.
“Ami mos hala’o programa uma kain ba dame kada tinan hodi hametin lasu amizade ba parseiru organizasaun Juvenil sira, atu hametin lasu amizade. Inklui promove konsiensia kuidadu natureza no programa desportu,” nia informa.
Rayla mos servisu hamutuk ho CVTL, kada halo doasaun ran dala 2 hodi fo ba Ospital sira ne’ebe presiza atu salva pasiente sira ne’ebe presiza tebes ran.
Iha enkontru nee, Prezidenti Republika, promote sei jere ajenda hodi bele partisipa konferensia ba dala 16, ne’ebe sei organiza husi RAYLA-TL, Setembru 2025 iha Sentru formasaun Tibar, Postu Administrativu Bazartete, munisipiu Likisa.
“ Ami sei halo kordenasaun permanente ho Gabinete presidensial, atu karik iha mudansa,” nia dehan tan.
Mensajen Prezidenti Republika
Iha okaziaun ne’e, Prezidente Republika hato’o mensajen importante ba joven sira, mak tenki estuda maka’as liuliu foka ba área sira ne’ebe importante, liga ho teknolojia, área teknika, tanba nasaun presiza tebes rekursu umanu ne’e iha future.
Alemde ne’e, presija mos konsiensia kuidadu ambiente, hatoman an atu kuda aí, iha fátin hela fatin no rai sira ne’ebe ita hela ba, kuidadu be’e-matan.
“ RAYLA sei serbisu maka’as, hare situasaun sira ne’ebe Prezidente Republika hato’o iha surumutu importante ne’e,” nia reafirma. (*)
