Reportagen : Jacinta Mendes Gonçalves/ Osterlia
DILI (lifaupress) : Ministru Ensinu Superior Siensia, Arte no Kultura (MESSAK), Jose Onorio husu ba Ensinu Superior sira iha Timor-leste, atu prepara aan didi’ak hodi tama ASEAN, liuhusi hametin kualidade edukasaun.
Ministru Ensinu Superior Siensia, Arte no Kultura (MESSAK), Jose Onorio deklara ida-ne’e iha Dili, Tersa-feira (18/3/2025) iha Workshop Nasional ida ho tema “Engagement Quality Assurance and Qualification exsellence in Timor – leste”iha salaun Delta Nova Díli.
Abertura ofisial ba atividade halo direta husi Primeiru Ministru Kayrala Xanana Gusmao, partisipa husi Retor Ensinu Superior sira, matenek na’in iha area edukasaun no konvdadus sira, hodi fahe kunhesimentu no esperiensia kona-ba dezenvolvimentu edukasaun iha Ensinu Superior.
“ Ne’e país foun, bainhira Itá hakarak integra ba ASEAN, importante ba Itá – nia universidade sira bele ko’alia ba Malu atu Eleva kualidade edukasaun, nune’e la lakon ho performa kualifikasaun no kualidade edukasaun iha nasaun membru ASEAN sira,’ Ministru dehan.
Nasaun Vietname hakarak tulun prosesu parte kualifikasun akademika iha Timor – leste. “ Ita presiza de’it prepara rekursu umanu ho kualidade iha are oioin, liuhusi suporta universidade sira. Nune’e iha futuru iha mos bele kompete ho universidade sira iha ASEAN,” Ministru Jose Honorio dehan tan.
Ministru espera, liuhusi enkontru ne’e Retor sira truka impresaun, fahe esperiensia atu bee prepara aan lori Ensinu superior idaidak buka parserie ho Ensinu Superior ASEAN, hodi lori kondisaun kualidade edukasaun ne’ebe di’akliu siuasaun no kondisaun atual. (*)
