Reportagen: Osterlia Muni
DILI – (lifaupress): Governu Timor-leste liuhusi Sekretaria Estadu omunikasaun Sosial (SEKOMS) tinan 2025 aloka osan Fundu Transferensia Publiku ho montante osan dolar amerikanu $ 150,000 ba Radiu Komunidade iha terotoriu laran.
Sekretariu Estadu omunikasaun Sosial (SEKOMS), Expedito Loro Diaz Ximenes hato’o ida-ne’e iha enkontru avaliasaun ho jestor Radiu Komunidade sira iha Dili, Tersa-feira (18/3/2025.
“Ohin ami ho Jestor Radiu Komunidade sira hotu, halo avaliasaun ba orsamentu ne’ebe ami aloka iha tinan 2024, mekanizmu mplementasaun, no relatoriu sira. Alemde ne’e, halo prozesaun ba atividade iha Radiu Komunidade iha Tinan 2025,” Expedito esplika ba jornalista sira hafoin ekontru.
Ba tinan 2025, nafatin tuir Sekretaeriu Estadu, Governu aloka osan dolar amerikanu $ 150.000, atu hakbiit Radiu nia programa sira, liuliu fornese informasaun ba publiku to’o baze.
Husi orsamentu ne’e, SEKOMS husu Jestor Radiu Komunidade sira atu identifika nesesidade no hato’o proposta ba Governu liuhusi SEKOMS. “ Ami hein proposta husi Radiu komunidade sira, Ami esplika ona prosesu no mekanizmu hotu, atu bele komprende oinsa atu halo proposta bazeia ba prioridade no urjensia iha Radiu idaidak, “ nia dehan tan.
Informasaun ba baze
Nunu Governu Konstitusional iha kumprimisiu, atu hakbesik infromasaun kona-ba progfresu deenvolvimentu to’o baze. Tanba midia nuudar pilar importante ba demokrasia.
“ Radiu Komunidade estabele iha baze, hamutuk kedas ho komunidade sira, iha area rurais. Nune’e, sira mos asumi papel iimportante atu dizamina informasaun ba publiku,” Expedito reafirma tan.
Iha enkontru ne’e, jestor Radiu komunidade sira hat’o mos sira-nia difikuldade atu hala’o atividade. Nuno Governu Konstituisional, iha nia programa tinan lima, fo atensaun maka’as ba Radiu komunidade, atu ezerse atividade promove demokrasia, dezenvovimentu no partisipasaun komunidade iha prosesu dezenvolvimentu ho efetivu.
Iha enkontru ne’e mos, Jestor Radiu Komunidade sira konkorda atu halo Relay ba Notisia sira husi RTTL liuhusi sira – nia frekuensia Radiu, hodi komunidade mos asesu infromasaun ba programa notisisa kalan, dader no meudia.
Alende ne’e, Radiu Komunidade sira bele dezenvolve programa sira ne’ebe uza Lian maternal, atu komunidade kumpirende di’akliu tan mensajen sira husi Radiu.
Entretantu, Eufrosina Soares Braz husi Radiu Komunidade Defesiensia hato’o problema ne’ebe infrenta. “ Ami-nia frekuensia Radiu ki’ik tebes. So bele asesu iha sidade Dili de’it, labele to’o munisipiu. Nune’e, komunidade sira iha munsipiu labele akompanha notisia ne’ebe ami kobertura iha munsipiu,” Eufrosina Soares Braz hateten.
Nia mos kestiona kona-ba alokasaun osan ne’ebe tarde husi SEKOMS, prejudi jornalista Radiu Defesiensia halo mobilizasaun kobertura ba munsipiu sira, tanba osan la iha. “ Maibe, ami bele la’o ho ami – nia grupu organizasaun ba munisipiu hotu,” nia reafirma.
Nia mos ejiji ba Governu, atu alokasaun fundus ne’e mos tau matan ba transporte, hodi fasilita ekipa Radiu halo kobertura iha munsipiu sirta, tanba defisiensia b arak iha munisipiu mos hakarak asesu ba midia no asesu ba informasaun sira. (*)
