Reportajen : Celcia Magno
VENILALE (Lifaupress.com) : Sarani sira iha Kapelinha Santo Antonio Uatu-Misa, Suku Uai oli, Postu Administrativu Venilale ,munisipiu Baucau, partisipa Misa Loron Sexta – feira Santa (29/3/2024) hahu tuku 4:00 loraik OTL.
Selebrasaun ba loron ne’ebe Jesus Kristu Nia terus no mate iha kruz, hodi Salva ema hotu nia moris husi sala hotu, prezidi husi Frater Selebrante, Antonio Gomes SDB.
Iha Nia homilia, Frater Antonio Gomes SDB hateten” tuir Igreja nia doutrina , fiar ba Jesus Kristu Nia terus no mate, laos buat folin laek ne’ebe la iha sentidu, maibe hetuk mak domin Maromak nian nebe hatudu mai ema moris.
Tanba Maromak nia Domin ne’ebe hatudu ba ema hotu, hodi fiar no presiza Moris tuir sasin moris Kristu nian. ” Jesus lori Paskua ba umanidade tomak, atu bele tama ba Reinu Maromak iha lalehan,” nia dehan.
Husi Kruz Santa , lori sarani tomak atu hakbesik liutan ba Jesus, ne’ebe terus no mate iha Kruz hodi Salva Ema Hotu Nia Sala.
Molok Misa, sarani sira iha Suku Uai Oli, partisipa uluk Viasakra ne’ebe hahu tuku 10:00 dader OTL, haleu Kapelinha Santo Antonio Uatu-Misa. (*)
