Reportage : Inha (Kontributor)
SAME (Lifaupress): Sarani Katolika iha Timor-leste, selebra Sesta-feira Santa iha ambiente Paskua tinan 2024, hahu ho Viasakra. Iha same, munisipiu Manufahi, sarani Katolika sira husi Parokia Nossa Senhora Asunsaun, halao Viasakra, hahu tuku 08.00 to’o 12.00 meiudia.
Viasakra ne’ebe prezidi husi Amo Albino Marques ne’e, hahu husi Igreja Parokia Nossa Senhora Asunsaun, Same, ba to’o Kristu Rei Moklau. Sarani sira la’o banati tuir Jesus Kristu Nia terus to mate, tamba atu kasu ema nia sala.
Tuir observasaun kontributor lifaupress.com iha Same, sarani sira antusiazmu durante prosesu Viasakra. Durante iha viasakra, sarani Reza no hananu hanai Jesus, hodi hanoin hikas Jesus Kristu nia terus to’o mate iha foho Kalvariu nia tutun.
Selebrasaun Viasakra Sexta – feira Santa ne’e, mos hala’o iha kapela sira seluk, husi Iha Parokia Manufahi. (*)
