Reportajen : Florentina Bianco da Cruz
DILI-Lifaupress : Sekretariu Estado Kooperativa (SEKoop) halo Diagnostiku ba funsionáriu sira, fasilita husi Institutu Bali Business School (BBS) Internasional.
Sekretariu Estado Kooperativa (SEKoop), Arsénio Pereira da Silva ba jornalista sira iha Salaun Correios Timor-Leste, Kintal ki’ik, Dili, Kuarta – feira (28/01/2026) esplika, atidade ne’e nudar opurtunidade kapasitasaun ba funsionariu SECOOP sira kona-ba movimentu kooperativ, hakle’an koñesementu servisu, liu-liu kona-ba digitalizasaun administrasaun.
Nia mos dehan, objetivu loloos mak kontribui ba servisu apresiasaun ba movimentu kooperativa sira, hodi hetan rendimentu.
“Ita iha funsionariu permanente uitoan los. Presiza hametin liu tan sira – nia koñesementu, atu aplika iha servisu administrasaun no servisu ba movimentu kooperativa, “ nia dehan tan.
Iha sorin seluk, Diretór Bali Business School (BBS) hatutan, “Ami – nia komisariu hamutuk ho ami, ne’ebé hala’o servisu iha kampu Denpasar, Bali no iha sukursal tolu, ” Direktur BBS hateten.
Nia dehan tan, análize ba komunikasaun efetivu no mós gravitasaun ne’ebé mai husi relatóriu atu haree saida mak loos. Ita sei fó imajen ida atu hetan koñesimentu báziku kona-ba komunikasaun no objetivu servisu públiku ne’ebé efetivu no sei rezulta servisu di’ak. (**)
