Reportajen: Jacinta Mendes Gonçalves
NASUTA (lifaupress) : Sarani sira kuaze 140 partisipa Misa Natal, Kuarta-feira (25/12/2024) iha Kapela Nossa Ssenhora de Voa Viagem, Nassuta, suku Ulmera, Postu Administrativu Bazartete, munisipiu Likisa, prezidi husi Padre Diacono, Florindo Falo, (OFMCap).
Padre Diacono, Florindo Falo, (OFMCap) iha omilia esplika, Maromak Nia maksoin Jesus Kristu lori grasa atu ita hadomi malu. Tanba domin ne’e maihusi Maromak, ne’ebé mosu mai ne’ebé halo a’an ba ema, hanesan Jesus Kristu, liuhusi Inan Virgem Maria.
“Husu Inan – aman no lia na’in sira husi uma lisan sira mak hato’o liuhusi natureza, mehi hanesan mós leitura dahuluk, tempu ida uluk no tempu ida ohin baibain. Ohin – loron ita husi mai ulun Igreja, liuhusi Jesus Kristu, ita selebra nia loron moris,” Padre Diacono,Florindo Falo, (OFMCap) dehan.
Amo Diacono dehan tan, ema ne’ebé hadomi ita, signifika ema ne’e Maromak nia oan duni.“Ita sira ne’ebé moris iha domin, partilla Maromak oan mane nia domin, hamutuk horik ho ita ba Nai Maromak mak oan domin no dame. Sai domin no halo aan ba ema, ita bele hetan moris husi Nia. Husi Nia, ita – nia sala bele hetan perdaun” Amo Diacono dehan.
Virgem Maria, Amo Diacono dehan tan, simu mensagem, halo no rona ovidensia, Maromak horik ho ita , halo tuir Maromak nia hakaran ne’ebé mosu iha ita – nia a’an ida idak. Ema seidauk hatene Maromak, maibé ita hadomi malu karik, hela iha ita – nia le’et.
Nudar sarani, aprende loloos, katak, basa nia haraik domin no esperitu mai ita, hare no hatene tiha ba malu. Ohin-loron no horkalan, Jesus moris. Nia hatudu nia domin ba malu iha loron Natál ida ne’e.
“Ema ruma haklaken katak, Jesus mak Maromak nia oan, ne’ebé nia horik hamutuk ho ita liuhusi lia na’in sira, ne’ebé mak hela iha Uma Lisan sira mak hatudu mensagem liuhusi natureza, “ Amo dehan.
Nia akresenta tan, Jesus Kristu nia domin ba ema hotu-hotu, la defini ba ema ki’ak ka riku. Maromak nia laran, hatudu Kristu iha nia asaun moris, halo ita bele hetan aten brani iha loron – ohin. Husi Natál, lori domin salvasaun no naroman.
Tuir observasaun jornalista www.lifaupress.com, Misa Natal, 25 Dezembru 2024, akompanha husi Koru ne’ebe kanta di’ak durante Misa to’o Misa remata ho hakmatek no seguru, (*)
