Reportajen : Celcia Magno
VENILALE(Lifaupress) : Finalista Luzia Maria Bendita Guterres Sai Vensedor 1°Lugar ho valor 60 , Rita Binoi Ximenes hetan 2°lugar ho valor 56 no Almerinda mak 3°lugar ho valor 55 iha Eskola Sekundaria Jeral Luga-Oli Venilale, Baucau.
Rezultadu Ezame Nasional ne’e, anunsia iha Segunda Feira (16-12-2024) tuku 9:00 dader OTL, bazeia ba Kalendariu husi Ministeriu Edukasaun, ne’ebe desidi loron loron 16 -12 – 2024 nuudar loron anusiu ba rezultadu ezame Nasional 2024 ba estudante Finalista husi 3°Ciclo to’o sekundariu iha Teritoriu laran tomak, iha ida-idak nia eskola.
Eskola Sekundaria Jeral Luga-Oli Venilale ho estudante hamutuk 211 . Husi total ne’e, estudante Siensia Sosiais hamutuk 59 , Siensia Naturias hamutuk 152 , Luzia mak ho Valor nebe mak boot ho valor 60 no ba siensia sosiais ho valor 54 sai vensedor no valor nebe mak ki’ik iha 41.
Entretantu Luzia Maria Bendita Guterres ba jornalista www.onlinelifaupress.com Segunda feira (16-12-2024) tuku 11:00 Dader OTL iha eskola Sekundariu jeral Venilale Luga-Oli Fatulia Postu Venilale Baucau ,hateten “ha’u sente orgullho ba nia valor nebe mak diak tebes iha eskola refere,tanba husi dezafiu no esforsu durante tinan tolu nia laran ikus ha’u konsege remata estudu sekundariu ho valor nebe as tebes husi estudante sira seluk.
Tanba ne’e Luzia iha oportunidade diak tebes hakarak hili fakuldade Medicina jeral iha Universidade Nasional Timor-Leste akademiku 2025 .
Tuir observasaun jornalista online Liaupress rekolla ,, inan – aman sira husi Finalista estudante mak simu rezultadu hafoin entrega ba oan sira hare ,ho ida ne’e estudante balun kontenti balun tanis hodi simu rezultadu ho valor nebe la hanesan ,iha mos estudante balun hakuak nia familia hodi hamonu matawen tanba bele hetan valor nebe mak diak durante tinan tolu nia laran , no iha oportunidade atu kontinua Eskola iha universidade Nasional
Hafoin simu valor ,professor sira kontinua avizu ba estudante nebe mak hetan valor husi 46-60 ne’e nune’e ho sira iha oportunidade sei prenxe formulariu ba iha Universidade Nasioanal Timor-Leste UNTL hili tuir kapasidade ho valor nebe mak sira hetan ona no tuir fakuldade ida-idak husi siensia sosiais no naturais.
Bainhira remata simu rezultadu estudante sira ida-idak fila ba uma, la halo barullho iha dalan ka eskola sira tanba iha regulamentu nebe fo sai ona iha publiku katak ba estudante sira sei la iha komboiu ho transporte iha dalan publiku no eskola sira,ho nune’e mos hetan seguransa masimu husi policia eskuadra Venilale iha eskola ida-idak.
Iha parte seluk Iha Eskola Sekundariu Jeral Venilale luga-oli ho Eskola Sekundariu Katoliku Do Reino de Venilale Sira hetan valor nebe as hamutuk 60. (*)
ANUNSIU : Ambiente iha Eskola Sekundaria Jeral Luga-Oli Venilale, Baucau, bainhira anunsiu rezulcadu esame Nasional tinan 2024. Foto Lifaupress/Celcia.
