Reportajen: Celcia Magno
VENILALE (Lifaupress): Grupu Joven Produtivu Builale kontinua produs ai ho Nu Kakun ba produtu Industrial kik ho mao de Obra no arte seluk tan iha suku Builale Postu Ossu Munisipiu Vikeke.
Produs ba produtu industrial ki’ik, mao de obra ho arte balun hanesan ,Bikan Kanuru ,Buli ,kanedok ,bandeza ,asbak boot,kaneka ,aifunan ,estan telefone ,Relojiu tau liman no seluk tan hodi sustenta sira nia nesesidade loron loron.
Grupu joven produtivu Bulilale hala’o aktividade sira ne’e hahu iha tinan 2022 to’o ohin loron ,membru sira hamutuk na’in na’in 4 no hamutuk ho xefe ba grupu refere.
Durante ne’e xefe grupu joven produtivu Augosto Carvalho aprende husi nia aman Patricio De Carvalho Sarmento nebe mak hanorin hela ba nia bainhira nia sei idade minoridade iha tinan 2009 to’o,iha tinan 2022 ,nia konsege nia loke kampu trabalho ba juventude balun nebe mak iha interese hodi halo aktividade sira produs husi manual to’o,ohin loron.
Xefe grupu joven produtivu Augosto Carvalho informa ida ne’e ba jornalista www.onlinelifaupress.com,liuhusi Pajina Facebook iha sexta (12-12-2024)tuku 3 loraik OTL.
“Ba produtivu sira ne’e ha’u aprende husi ha’u nia aman rasik bainhira sei idade ki’ik no ikus konsege loke kampu trabalho ba joven sira nebe mak hakarak moris mesak no kada fulan ha’u sempre fo sira nia salariu kada ema ida hetan dolar amerikanu $150”.
Durante servisu kada loron ida produs industrial ki’ik sanulu ba leten no uza ho manual rasik hanesa halo ho besi,no hetan osan husi sasan sira,tuir ida-idak nia folin.
Antes ne’e mos grupu refere ,hetan ona konesementu husi governu balun liuhusi Ministeriu Comercio no Industria iha tinan 2009 ,ho esforsu hotu ikus konsege hari grupu ki’ik ida iha tinan 2022,liuba to’o ohin loron.
Augostu tenik “nudar juventude ida iha inisiativa rasik ,loke kampu trabalho ki’ik,liuhusi ne’e bele husu governu balun apoiu, ba juventude sira nebe hakarak servisu hodi sustenta sira nia nesesidade loron-loron,aliende ne’e mos nia husu apoiu nafatin ba governu atu kria kimdisaun diak ba sira iha futuru mai ,nune’e bele hanorin fali joven sira nebe mak iha vontade atu aprende produtivu sira nebe mak iha ona.
Entretantu iha grupu refere mos ,rai osan hamutuk ona rihun hitu 7.000 ona ,kada fulan rai osan ba kas atus lima 500 dolares no atus hitu 700 ,hasai ba hodi selu membru sira ,osan balun ba hola mos ba ekipamentus sira nebe precisa hanesan ,lem ,lisa bernis no seluk tan.
Waooo iha grupu refere ne’e mos hetan 3°lugar iha Timor-Leste nebe rekonese husi Ministeriu Comercio Industria no turismu ,no hetan mos apoiu material balun ba grupu refere hodi reforsa sira ,no,ba sasan sira ne’ebe prontu aloka ona ba munisipiu balun hanesan Viqueque,Baucau ,Lospalos ,Aileu ,Manatutu.
“Ba sasan sira nebe aloka ba munisipiu sira ne’e kada vez bele hetan osan to’o rihun rua,2000 ,tun mai rihun ida 1000,tuir sasan sira nebe mak ho folin la hanesan ,no ba grupu kultural balun no kafetaria sira iha iha Timor-Leste pesan sasan mai ami nia grupu sira hanesan Babadok ,Buli,kaneka no,seluk tan,” Augosto dehan
Xefe grupu Juuventude ho naran Augosto Carvalho,moris iha loron (29-03-1982,)husi suku Fatulia ,postu Venilale munisipiu Baucau ,hela fatin agora iha Suku Builale Postu Ossu Munisipiu Viqueque. (*)
