Reortajen: Selestinho Mani Falo
Presizidente Autoridade Rejiaun Administrativu Espesial Oe-cusse Ambeno (PA-RAEOA) Rogério Tiago de Fátima Lobato, Segunda-Feira (02/12/2024) halo dialogu ho komunidade postu administrativu Passabe, iha Mercado Passabe, atu rona direita komunidade nia preokupasaun.
“Hau mai iha nee atu rona direita imi nia lian ba preokupasaun tomak ne’ebe mak imi infrenta iha imi nia hela fatin”, PA-RAEOA, Rogério Tiago de Fátima Lobato, dehan ba nia dialogu, iha merkadu Passabe.
Nia haktuir, Preokupasaun neebe mak imi hato’o iha kalan ida nee ita sei buka solusaun hamutuk atu bele rezolve ho neneik maske ita nia kbiit neebe naton.
Entretantu, Administrador Postu Administrativu Passabe Paulino Marques hato’o agradesimentu ba Prezidente Autoridade RAEOA, ho ekipa tomak ne’ebé ho laran luak mai vizita komunidade iha postu administrativu passabe maske atravesa kondisaun dalan at maibe bele too duni ami nia fatin.
“Espera katak ho vizita ne’e bele ekoraja komunidade liu liu foin sa’e sira atu partisipa ho kreatividade ne’ebé iha hodi dudu dezenvolvimentu iha aspetu hotu atu nune’e bele la’o di’ak liu tan iha futuru” dehan Administrador postu administrativu Passaben.
Alende ne’e Pastisipasaun ba dialogu hamutuk ho komunidade postu administrativu Passabe kompostu suku 2 hanesan, Abani no Malelat hatan partisipasaun husi Sekretariu rejional, Agrikultura, Terras no administrasaun no komunidade ferik-katuas, joven, labarik, Amu paroquia passabe, Komendante eskuatra postu Passabe no UPF. (*)
