Reportajen: Selestinho Mani Falo
OE-CUSSE – (Lifaupress) Presidente Autoridade Rejiaun Administrativu Espesial Oe-cusse Ambenu (PA-RAEOA) Rogério Tiago de Fatima Lobato, Segunda-Feira (02-11/2024), vizita Postu Administrativu Passabe, hodi halo dialigu ho komunidade.
Postu administrasaun Passabe kompostu suku 2 hanesan, suku Abani no Malelat. Tuir observasaun jornalista www lifaupress.com katak, Presidente Autoridade RAEOA halo viajem ho ekipa tomak sai husi Oe-cusse villa ho oras 3:00 otl ho kareta estadu hamutuk 12, toba kalan ida hamutuk ho komunidade iha postu administrativu Passabe suku 2 atu halo dialogu rona direita preokupasaun komunidade.
Antes to’o Pasabe, PA RAEOA, Rogerio Lobato vizita uluk sede suku Bobometo, Postu Administrativu Oe-silo, ne’ebe lokaiza iha aldeia Tumin. Iha okaziau ne’e, kompremete ba Xefe Suku, Yoseph Kaet sei esforsu apoiu material eskritoriu, hanesan komputedor ba sede suku sira hotu.
Entretantu, PA RAEOA ho komutiva tomak to’o Postu Administrativu Pasabe ho oras 4:47 otl, simu husi Xefe Suku Abani, Malelat, lia Na’in ho dadolin lian materna Baiqueno no komunidade. Iha tempu hanesan, Populasaun sira fo hatais tais mane, tara tais no tau lensu tradisional kultura Oe-cusse ba ulun.
Iha vizita ne’e, PA RAEOA, Rogério Tiago Lobato akompañadu husi Sekretariu Rejional, Agrikultura, Treras no propriedade, registu notariado, no administrasaun. (*)
