Reportaje : Johny Martins
DILI (lifaupress.com) : Hafoin kuaze fulan ida, la akontese udan boot iha sidade Dili, Tersa – Feira ((7/5/2024) kuaze tuku 04.00 udan – boot monu rai to’o kedas tuku 05.30 loraik .
BEE – BOOT TAKA ESTRADA – Bee – boot taka estrada sira balun iha sidade Dili, hafoin akontese udan boot. Movimentu transporte no ema la seguru, tanba bee-boot ne’ebe risku ba asistenti trafiku. Foto LP/johny.
Dala ida-ne’e, rezulta bee tun husi foho, sulin haleu fatin risku bee-boot sira iha sidade Dili, kapital Timor-leste. Fatin ne’ebe sempre sai ona langganan banjir mak Balide raihun, tun matadoru – RTTL no tun ba area lampu trafiku kurzamentu Ministeriu Justisa.
Bee-boot mos sulin iha area Lecidere, Bidau, Bairopite tun ba area Palasiu Prezidenti, Hudi laran no area sira seluk tan.
Tuir observasaun www.lifaupress.com, bainhira udan monu tun rai kuaze minute 30, area Largu Licidere sofre kedas bee sulin no nalihun boot. Kondisaun ne’e, halo movimentu trafiku trankadu.
Motorista sira, obrigatoriu tenki para motor iha dalan ninin, hodi fo impaktu ba movimentu ema no transporte, inklui bee la sulin di’ak.
LECIDERE: Motorista sira obligatorio para morot iha estraga ibun, area Lecidere, Dili, hood hein udan para. Nune’e mos Mikrolet balun, difisil hala’o movimentu Tanba bee-boot no pasajeiru menis. Foto LP/Johny
Entretantu, iha area Colmera no Igreja Katedral Dili, bee tun maka’as, halo movimentu transporte publiku no privadu halai arbiru. Barak mak la kumpri sinais lampu tranzitu no zebra cross.
Pasajeiru sira mos defisil tebes, atu hein kareta iha dalan ninin tanba la iha fatin seguru ba pasajeiru sira.
“ Ami hein iha ne’e to’o bokon didiak, tanba fatin hein kareta la iha. Tuir loos Governu harii fatin Halte ho kondisaun di’ak, nune’e ema bele hamrik hein kareta ho seguru,” Anculino Soares ko’alia ba lifaupress.com.
Ba futuru, Governu presiza tau atensaun ba planu rainajen iha sidade Dili. Nune’e, jere inundasaun didi’ak, para movimentu iha Dili mos seguru, inklui garantia protesaun ba populasaun sira-nia hela fatin, edifisiu publiku – privadu no sentru merkaduria ka negosiu sira. (*)
